11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Շուկայում կարտոֆիլի գները թռել են, ի՞նչ ուտեն աղքատները. Նիկոլ Փաշինյանն առաջարկեց մի քանի տարբերակ
Տնտեսություն
17.01.2018 | 18:17
ԱԺ «Ելք» խմբակցության ղեկավար Նիկոլ Փաշինյանն, այսօր Կառավարության հետ հարցուապատասխանի ընթացքում հիշելով ՀՀԿ-ական պատգամավոր Խոսրով Հարությունյանի՝ Factor.am-ի հետ զրույցում արած հայտնի հայտարարությունը, որ աղքատները կարտոֆիլ են ուտում, հետաքրքրվեց՝ հիմա ինչ ուտեն աղքատները, եթե, ընդդիմադիր պատգամավորի ձևակերպմամբ, կարտոֆիլի գներն էլ «թռել են»:
«Հարցը հետևյալն է՝ ի՞նչ ուտեն աղքատները: Ի դեպ, հայտնի խաղի կանոններով ուզում եմ ճիշտ պատասխանի չորս տարբերակ առաջարկել՝ խառը կանաչի, որը ԱՎԾ տվյալներով էժանացել է 48,5 տոկոսով, սխտոր, որը էժանացել է 22,2 տոկոսով, կանաչ սոխ, որը էժանացել է 18,2 տոկոսով, տաքդեղ, որը էժանացել է 12,1 տոկոսով»,- իր տարբերակներն առաջարկեց «Ելք» խմբակցության ղեկավարը:
«Կարծում եմ՝ մեր ազգաբնակչությունը կընտրի այդ ապրանքների տեսականուց առավել մեծ կալորիականություն ապահովող ապրանքների այն ցանկը, որը կհամապատասխանի իր բյուջեին»,- պատասխանելով հարցին՝ ասաց ՀՀ փոխվարչապետ Վաչե Գաբրիելյանը:
Մանրամասները՝ տեսանյութում:
