01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Հոսանքազրկումներ ու հեղեղումներ Ֆրանսիայում ու Մեծ Բրիտանիայում՝ «Բելլա» փոթորկի պատճառով
Քաղաքականություն
28.12.2020 | 19:19
Դեկտեմբերի 27-ին Ֆրանսիայում ու Մեծ Բրիտանիայում գրանցված «Բելլա» փոթորկի հետևանքով Ֆրանսիայի կենտրոնական և արևելյան շրջաններում շուրջ 34,000 տուն հոսանքազրկվել է: Այս մասին հայտնում է DW-ի ռուսական ծառայությունը՝ հղում կատարելով ֆրանսիական լրատվամիջոցներին։
Տեղեկացվում է, որ փոթորկի պատճառով հոսանքի անջատումներ են տեղի ունեցել Օվեր-Ռոնա-Ալպեր, Բուրգոն-Ֆրանշ-Կոնտե և Էլզաս նահանգներում: ֆրանսիայի որոշ հատվածներում սկսվել են առատ ձյան տեղումներ:
❄ Tempête Bella: jusqu'à 50 cm de neige attendus dans le Cantal pic.twitter.com/baEEUPtP0G
— BFMTV (@BFMTV) December 28, 2020
Ավելի վաղ վատ եղանակի պատճառով, էլեկտրաէներգիայի անջատումներ էին տեղի ունեցել Ատլանտյան օվկիանոսի ափին գտնվող մի շարք շրջաններում: Ըստ RFI առցանց հրատարակչության ՝ այդ տարածաշրջանում քամու ուժգնությունը հասել են 136 կմ /ժ, արմատախիլ են եղել ծառեր: Տեղատարափ անձրևի պատճառով իրավիճակն ավելի է բարդացել: Միևնույն ժամանակ, Փարիզի Էյֆելյան աշտարակի գագաթին քամու պոռթկումների արագությունը, ըստ չափումների, հասել է 145 կմ /ժ:
Դեկտեմբերի 27-ին Անգլիայի արևելքում տների հեղեղում է տեղի ունեցել: Երկրի հարավ-արեւելքում բնակվող շուրջ 1300 բնակիչների խորհուրդ է տրվել Սուրբ Ծննդյան տոներին լքել իրենց տները: Ըստ կանխատեսումների՝ շարունակվող փոթորիկը կարող է հանգեցնել գետերում ջրի մակարդակի հետագա բարձրացմանը:
Տաթև Ֆռանգյան
