13.06.2026 | 12:07
ԱԱ-2026․ Օրվա խաղերը, պայքարը սկսում է Բրազիլի հավաքականը
Գերմանիան ու Թուրքիան փորձում են կարգավորել լարված հարաբերությունները. Die Welt
Քաղաքականություն
17.01.2018 | 19:47
Թուրք-գերմանական լարված հարաբերությունների կարգավորման նպատակով հունվարի 17-ին Բեռլինում Գերմանիայի ներքին գործերի նախարարության ներկայացուցիչները հանդիպելու են թուրք պաշտոնյաների հետ:
Այդ մասին հայտնում է «Haberler» լրատվամիջոցը` հղում անելով գերմանական «Die Welt»-ին. փոխանում է EH-ն:
Թուրք-գերմանական երկխոսության ժամանակ քննարկվելու է նաև «Իսլամական պետություն» (ԻՊ) ահաբեկչական կազմակերպության դեմ պայքարի հարցը:
Գերմանիայի ներքին գործերի նախարարության խոսնակը լրագրողների հետ զրույցում նշել է. «Թուրքիայով Սիրիա գնացող և եկող ջիհադիստ ահաբեկիչները հայտնվում են նաև Գերմանիայում: Մյուս կողմից Թուրքիան բազմիցս ենթարկվել է ահաբեկիչների հարձակմանը: Այդ իսկ պատճառով մենք պետք է շարունակենք համագործակցել Թուրքիայի հետ ահաբեկչության դեմ պայքարում»:
Աղբյուրը չի նշում, թե ովքեր են ընդգրկված թուրքական պատվիրակության մեջ:
Վերոնշյալ լուրը գերմանական պարբերականը վերնագրել է «Թուրքիան և Գերմանիան մտերմանում են aհաբեկչության դեմ պայքարում»;
Հիշեցնենք, որ թուրք-գերմանական հարաբերությունները լարվել էին, երբ 2016թ. հունիսի 2-ին Բունդեսթագն ընդունել էր Հայոց ցեղասպանությունը ճանաչող և դատապարտող բանաձև: Դրանից հետո Թուրքիան արգելել էր գերմանացի պաշտոնյաների մուտքը Ինջիրլիքի ռազմաբազա: Լարվածությունը խորացել էր 2016թ հուլիսի 15-ին ռազմական հեղաշրջման փորձից հետո Գերմանիայի դիրքորոշման պատճառով: Գերմանիան հրաժարվել էր Թուրքիային արտահանձնել քաղաքական ապաստան ստացած Թուրքիայի քաղաքացիներին:
Թուրքիայի իշխանությունները դրան պատասխանեցին կրկին Ինջիրլիք այցելությունը արգելելով: Գերմանիան էլ հայտարարեց իր զինվորականներին Ինջիրլիքից դուրս բերելու և Հորդանան կամ այլ երկիր տեղափոխելու մտադրության մասին:
