Հայաստանի առաջատար շախմատիստ Լևոն Արոնյանը մասնակցել է կայծակնային շախմատի Levitov Chess Christmas Cup 2020 առցանց մրցաշարին:
Վիճակահանությամբ կիսաեզրափակիչում մեր գրոսմայստերին մրցակից է բաժին հասել Ալեքսանդր Գրիշչուկը: Կողմերը պետք է անցկացնեին 8 պարտիայից բաղկացած մրցախաղ, սակայն յոթ պարտիայից հետո ռուսաստանցի շախմատիստը ստացել է շոշափելի առավելություն և ժամանակից շուտ հաղթել 4,5:2,5 հաշվով: Զուգահեռ ընթացող մյուս մրցախաղում իրանցի Ալիռեզա Ֆիրուջան թայ-բրեյքում հաղթել է ռուսաստանցի Բորիս Սավչենկոյին՝ 5:4:
Եզրափակիչ մրցամարտը բաղկացած է եղել 10 պարտիայից: 17-ամյա իրանցի շախմատիստը 6:4 հաշվով պարտության է մատնել փորձառու Ալեքսանդր Գրիշչուկին և հռչակվել մրցաշարի հաղթող:
