11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
ՌԴ-ն իր անմիջական հարևանությամբ մեծ խնդիր կունենար, եթե չկնքվեր ԼՂ-ի շուրջ համաձայնագիրը․ Պետդումայի խոսնակ
Քաղաքականություն
24.12.2020 | 16:21
ՌԴ Պետդումայի խոսնակ Վյաչեսլավ Վոլոդինի կարծիքով՝ եթե Հայաստանի ու Ադրբեջանի միջև ԼՂ հակամարտության գոտում ռազմական գործողությունների լիակատար դադարեցման մասին համաձայնագիրը չստորագրվեր, ապա Ռուսաստանն իր անմիջական հարևանությամբ մեծ խնդիր կունենար, փոխանցում է ՏԱՍՍ-ը։
«Սակայն ամենակարևորը՝ մարդիկ կարող էին զոհվել, չափազանց լուրջ ողբերգություն կլիներ։ Հենց շնորհիվ այն բանի, որ նախագահը կարողացել է բանակցությունների սեղանին նստեցնել հակամարտող կողմերին ու հասնել այդ որոշումներին, այսօր մենք խոսում ենք իրավիճակի կարգավորման, խաղաղ գործընթացների մասին։ Եվ սա չափազանց կարևոր է նաև մեր երկրի և այն քաղաքացիների կյանքի համար, որոնց վտանգ էր սպառնում»,- ընդգծել է Վոլոդինը։
Նա նաև կարծիք է հայտնել, որ Հայաստանի ու Ադրբեջանի ղեկավարների միջև ձեռք բերված համաձայնագիրը դարձել է ՌԴ նախագահ Վլադիմիր Պուտինի կողմից ընդունած ամենակարևոր որոշումն ու թույլ տվել խուսափել ողբերգությունից։
«Նախագահի կողմից ընդունված կարևորագույն որոշումներից է եղել Ադրբեջանի ու Հայաստանի ղեկավարների միջև ղարաբաղյան հակամարտության գոտում ռազմական գործողությունների լիակատար դադարեցման մասին ձեռքբերված համաձայնագիրը։ Սա թույլ տվեց դադարեցնել արյունահեղությունն ու պահպանել մարդկային կյանքերը, հաջողվել է կանխել ողբերգություն»,- նշել է Վոլոդինը։
Տաթև Ֆռանգյան
