30.06.2026 | 21:08
Բաքվի դատարանում հայ գերիները հայտարարել են, որ իրենց մեղավոր չեն ճանաչում. փաստաբանները խնդրել են արդարացնել
Թուրքիան պատերազմի՞ է նախապատրաստվում․ կենդանի կրակով վարժանքներ են անցկացվել Արևելյան Միջերկրականում․ Greek City Times
Քաղաքականություն
24.12.2020 | 13:46
Թուրքիայի Պաշտպանության նախարարությունը հայտարարել է, որ երկրի ռազմածովային ուժերը կրակային զորավավարժություններ են անցկացրել Արևելյան Միջերկրական ծովում: Այս մասին հայտնում է հունական Greek City Times-ը։
Նախարարությունը չի պարզաբանել, թե որտեղ է տեղի ունեցել կենդանի կրակով վարժանքը, բայց, դատելով լուսանկարներից, այն անցկացվել է հենց Թուրքիայի ափերին:
Պարբերականը նշում է, որ չնայած Թուրքիան ծրագրում է իրականացնել «Կապույտ հայրենիք» ծրագիրը՝ խլելով հունական կղզիները, սակայն թուրքական նավատորմը պարբերաբար ճնշվում է հունական նավատորմի կողմից։
Պարբերականը հիշեցնում է, որ օգոստոսի 12-ին Միջերկրական ծովում իրավիճակը լարվեց, երբ հունական «Լիմնոս» ֆրեգատը հարված հասցրեց թուրքական «Քեմալ Ռեիս»-ին, որն ուղեկցում էր Oruç Reis հետազոտական նավը։ Նշվում է, որ այդ ժամանակ հունական ռազմանավը ոչ մի վնաս չի կրել, մինչդեռ թուրքական նավի վրա մեծ անցք է առաջացել։
Օգոստոսին էլ երկրորդ միջադեպն է գրանցվել, երբ թուրքական սուզանավը մի ամբող գիշեր շրջափակվել է Հունաստանի ռազմածովային ուժերին պատկանող ուղղաթիռի կողմից։
Տաթև Ֆռանգյան
