11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԱՄՆ Բալթիմոր քաղաքի բարձրահարկ շենքերից մեկում հզոր պայթյուն է գրանցվել․ կա 23 վիրավոր
Քաղաքականություն
24.12.2020 | 16:07
ԱՄՆ Բալթիմոր քաղաքի բարձրահարկ շենքերից մեկում հզոր պայթյուն է տեղի ունեցել, 23 մարդ վիրավորվել է։ Պայթյունի ժամանակ պատուհան մաքրող անձնակազմը աշխատանքներ իրականացնելիս է եղել, որոնք ժամանակավորապես արգելափակվել են, գրում է Fox news-ը։
Պայթյունը տանիքի մասնակի փլուզման պատճառ է դարձել։ Այս մասին թվիթերում արված գրառմամբ հայտնել է Բալթիմորի հրշեջ վարչությունը: Քսանմեկ մարդ տեղափոխվել է հիվանդանոց, ևս երկուսը հրաժարվել է բուժօգնությունից:
Պայթյունը գրանցվել է առավոտյան ժամը 8: 30-ի սահմաններում։ Օֆիսային շենքի հարակից երկու շենքերից իրականացվել է մարդկանց տարհանում: Հրշեջ վարչությունից հայտնել են, որ պայթյունը տեղի է ունեցել շենքի 16-րդ հարկում:
Հետաքննություն է իրականացվում պայթյունի պատճառները ճշտելու համար։ Համաձայն որոշ վարկածների՝ պայթյունի պատճառը օդափոխության և կաթսայատան համակարգի խափանումն է։
Տաթև Ֆռանգյան
