27.08.2026 | 22:44
Վարորդական իրավունք ստանալու համար ուսուցումը կդառնա պարտադիր. ՆԳՆ-ն օրենքների նախագծերի փաթեթ է շրջանառության մեջ դրել
ԵՄ Արագ արձագանքման մեխանիզմի ներքո Արցախից տեղահանված շուրջ 2000 ընտանիքի օգնություն կհատկացվի
Քաղաքականություն
22.12.2020 | 20:24
ԵՄ արագ արձագանքման մեխանիզմի ներքո իրականացվելիք չորրորդ ծրագիրը, «Վորլդ Վիժն Հայաստան»-ի Շիրակի մարզի Գյումրու և Ամասիայի գրասենյակների կողմից կտրամադրի օգնություն Լեռնային Ղարաբաղից տեղահանված անձանց: «Գործել հիմա և անհապաղ» մարդասիրական օգնություն պատերազմի արդյունքում ԼՂ-ից ժամանած ընտանիքներին» ծրագիրը կիրականացվի առաջիկա վեց ամիսների ընթացքում։
Ըստ այդ ծրագրի՝ 120 ընտանիք կստանա հիգիենայի հիմնական պարագաներ, 220 երեխա կօգտվի կրթական աջակցությունից, 280 երեխայի կտրամադրվի հոգեբանական և սոցիալ-հոգեբանական աջակցություն։
Արդյունքում, ԵՄ Արագ արձագանքման մեխանիզմի ներքո իրականցվելիք ծրագրերի շրջանակներում, տեղահանված շուրջ 2000 ընտանիքների առաջիկա ամիսներին կհատկացվի օգնություն։
Ուշադրություն. եթե ցանկանում են դառնալ մեր նախագծերի շահառու, խորհուրդ ենք տալիս գրանցվել տեղական ինքնակառավարման մարմիններում: ԵՄ Արագ արձագանքման մեխանիզմի շրջանակներում բոլոր ծրագրերն իրականացվում են մեր գործընկերների կողմից՝ ՀԲԸՄ, ՔՈԱՖ, «Վորլդ Վիժն» «Մարդը կարիքի մեջ»։ Շահառուների ընտրությունն իրականացվում է տեղական ինքնակառավարման մարմինների հետ համատեղ: Գրանցվելով տեղական ինքնակառավարման մարմիններում՝ դուք ավելի հեշտացնում եք մեր կամ այլ կազմակերպությունների կապը ձեզ հետ։
