11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Պուտինը ստորագրել է նախկին նախագահի անձեռնմխելիության երաշխիքների ընդլայնման մասին օրենքը
Քաղաքականություն
22.12.2020 | 18:53
Վլադիմիր Պուտինը ստորագրել է նախկին նախագահի ու նրա ընտանիքի անդամների անձեռնմխելիության երաշխիքների ընդլայնման մասին օրենքը, գրում է ՌԻԱ Նովոստին։
Նշվում է, որ նախագծի հեղինակները պատգամավոր Պավել Կրաշենիննիկովն ու սենատոր Անդրեյ Կլիշասն են։ Այն համապատասխանում է այս ամռանն ընդունված Սահմանադրության փոփոխություններին։
Համաձայն օրենքի՝ երկրի ղեկավարը լիազորությունների դադարեցումից հետո անձեռնմխելիություն կստանա․ նրան չեն կարողանա ենթարկել քրեական կամ վարչական պատասխանատվության, կալանավորել, հարցաքննել, խուզարկել։ Այս օրենքը վերաբերում է նաև նրա բնակության կամ ծառայողական վայրին, տրանսպորտային, կապի միջոցներին, փաստաթղթերին, ուղեբեռին ու նամակագրությանը։
Նախկին նախագահին այս երաշխիքներից կարող է զրկել միայն Դաշնային խորհուրդը՝ Պետդումայի կողմից պետական դավաճանության կամ այլ ծանր հանցագործության համար մեղադրանք առաջադրելու դեպքում։
Տաթև Ֆռանգյան
