Վարչապետն ի ցույց է դրել իր անտեղյակությունը․ չգիտի՝ ինչ է էլիտան և ժողովուրդը․ Վարդան Հարությունյան․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Factor TV-ի հարցազրույցը իրավապաշտպան Վարդան Հարությունյանի հետ

-Ինչպե՞ս բնութագրել իշխանություն-ընդդիմություն պայքարը։ Ըստ Փաշինյանի՝ սա ռևանշ է 2018-ին իշխանությունից և արտոնություններից զրկված էլիտայի կողմից։ Ընդդիմադիրներն այս ակցիաները «Հայրենիքի փրկության շարժում» անունն են տվել։ Ո՞րն է Ձեր բնորոշումը։

-Ճիշտն ասած՝ այսօր Նիկոլ Փաշինյանի դեմ պայքարում է ոչ թե բուն ընդդիմությունը, այլ նրա դեմ պայքարում է այն ընդդիմությունը, որին ինքն է կարգել որպես ընդդիմություն հեղափոխությունից՝ 2018 թվականի մայիսից անմիջապես հետո և, ընդհանրապես, 2018-յան ամբողջ ժամանակահատվածում Նիկոլ Փաշինյանը, որպես իր ընդդիմախոս և իր հետ իշխանությունը վիճարկող ուժեր, դիտարկել է այն ուժերին, որոնց հեղափոխությունը մերժեց։

-Հետաքրքիր է՝ ինչո՞ւ։

-Ես չգիտեմ։ Գուցե Նիկոլ Փաշինյանը փորձում էր ինքնահաստատվել, գուցե Նիկոլ Փաշինյանը չէր ցանկանում ավելի լուրջ ընդդիմություն տեսնել և ունենալ, գուցե Նիկոլ Փաշինյանը սարսափում և վախենում էր ավելի լուրջ, ծանրակշիռ ընդդիմությունից։ Դա էր պատճառը, որ ինքն իր քննադատական խոսքը միշտ հասցեագրել է նրանց։ Այս մարդիկ են, ըստ էության, իրենց պատկերացրել Նիկոլ Փաշինյանի ընդդիմության դերում, այսօր էլ նրանք են։ Բայց իմ ասածից բոլորովին չի հետևում և չպետք է հետևի, թե այս մարդիկ, ովքեր հիմա հրապարակում են՝ կլինի Դաշնակցությունը, կլինի Հանրապետական կուսակցությունը, կլինեն այլ ուժեր, չթվարկեմ հիմա բոլորին, թե նրանք իրավունք չունեն խոսելու, բողոքելու, իրենց ձայնը փորձելու տեղ հասցնել։ Նրանք այդ իրավունքն ունեն, նրանք կարող են օրենքի և Սահմանադրության շրջանակում անել բոլոր քայլերը, քաղաքական գործողությունները։ Բայց նրանց երկուսուկես տարի անընդհատ կշիռ և լրջություն հաղորդել է Նիկոլ Փաշինյանը։

-Այսօր ևս ընդդիմությունը շարունակում է բողոքի ակցիաները։ Ըստ վարչապետի՝ սա արտոնությունից զրկված էլիտայի և ժողովրդի միջև հակադրություն է․ «Եթե ժողովուրդը իր խոսքն ասի, «էլիտաները» ոչինչ անել չեն կարող»: Վարչապետի հակառակորդները մեղադրում են ժողովրդի հետևում թաքնվելու մեջ։ Հիմա այս հակադրությունը ո՞ւմ միջև է իրականում։

-Վարչապետն ի ցույց է դրել իր անտեղյակությունը։ Նա չգիտի՝ ինչ է էլիտան և չգիտի՝ ինչ է ժողովուրդը։ Նա փորձում է ժողովրդին հակադրել էլիտային։ Մեր ժողովուրդը շատ էլիտար ժողովուրդ է։ Նման հակադրությամբ նա փորձում է նվաստացնել մեր ժողովրդին, դարձնել ինչ-որ փողոցային մասսա և այդ մասսայից բերել ինչ-որ մարդիկ, որոնք նրան հակադրվել են։ Կարծում եմ՝ չարժի շատ լուրջ վերաբերվել անգրագիտության արդյունքում արտահայտված մտքերին։ Շատ հստակ ուզում եմ ընդգծել՝ անտեղյակության և անգրագիտության արդյունքում արտահայտված մտքերին լուրջ վերաբերվել չարժի։

-Հայաստանում այսօր ո՞վ է էլիտա։

-Հայաստանում էլիտա են բոլոր նրանք, ովքեր մտածելու կարողություն ունեն և այդպիսիք մեզանում միշտ շատ են եղել։ Դրա վկայությունն է մեր կենսագրությունը, դրա ապացույցն է այսօրվա մեր վկայությունն ու ներկայությունն այս տարածաշրջանում, դրա ապացույցն է նաև առանց Նիկոլ Փաշինյանի, առանց այս ընդդիմության մեր ապագա գոյությունը այս տարածաշրջանում, և ինքնահաստատվելու ենք մենք, և ինքնահաստատված ենք և, ըստ էության, մենք էլիտար ենք։

Հարցազրույցն ամբողջությամբ՝ տեսանյութում։

Ռոբերտ Անանյան