04.03.2026 | 21:02
Նոր պաշտոնանկություններ ՆԳՆ-ում առանց բացատրության. ՏԵՍԱՆՅՈՒԹ
Ադրբեջանցիները հասել են Կապանի, Գորիսի քթի տակ և պարսատիկով կարող են կրակել. ՏԵՍԱՆՅՈՒԹ
Քաղաքականություն
21.12.2020 | 14:00
Ադրբեջանական դիրքերը հասել են անմիջապես Կապանի քթի տակ և կարող են պարսատիկով կրակել Կապանի վրա։ Սա լուրջ խնդիր է: Այսօր ԱԺ-ում լրագրողների հետ զրույցում նշեց ՀՀ ԱԺ «Լուսավոր Հայաստան» սյունեցի պատգամավոր Սրբուհի Գրիգորյանը։
«Պատերազմը չի ավարտվել և ԽՍՀՄ սահմաններով քարտեզագրումը հանգեցնելու է շատ ծանր հետևանքների»,- ընդգծեց պատգամավորը։
«Մենք՝ զանգեզուրցիներս, անընդհատ պատերազմական թոհուբոհի մեջ ենք և մենք շատ լավ գիտենք պատերազմի գինը, խաղաղության գինը, հենց այդ է պատճառը, որ սյունեցիները ոտքի են կանգնել, որովհետև այդ խայտառակ համաձայնագրով ադրբեջանական զորքը տեղակայվել է հենց Սիսիանի, Գորիսի Կապանի քթի տակ…
Գյուղատնտեսական, անասնապահական աշխատանքների սկսվելուց հետո բնակիչների համար շատ վտանգավոր է լինելու: Մենք երաշխիք չունենք, որ մարդը անասունը հանի արոտի, ինքը հետ կվերադառնա, իսկ մենք տեսանք, որ այդ համաձայնագրից հետո նաև գերեվարվեցին մեր քաղաքացիները։ Այս պահին ամենահրատապը քաղաքացիների անվտանգությունն ապահովելն է, որովհետև Կապանում բավականին մարդիկ վաճառքի են հանել իրենց տները, որպեսզի տեղափոխվեն»։
Մանրամասները՝ տեսանյութում:
