09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Հադրութի Վարդաշատ գյուղում գտնված կնոջ մարմինը, բարձր հավանականությամբ, Նինա Դավիթյանինն է. 80-ամյա կինը սպանվել է ադրբեջանցի զինծառայողների կողմից․ ԱՀ ՄԻՊ
Հասարակություն
18.12.2020 | 23:35
Հադրութի Վարդաշատ գյուղում գտնված կնոջ մարմինը, բարձր հավանականությամբ, 80-ամյա Նինա Դավիթյանինն է։ Այս մասին ֆեյսբուքյան գրառմամբ տեղեկացրել է Արցախի ՄԻՊ Արտակ Բեգլարյանը։
«Արցախի մարդու իրավունքների պաշտպանի փաստահավաք առաքելության շրջանակներում կատարված աշխատանքների արդյունքում պարզել ենք, որ որոնողական աշխատանքների ընթացքում Հադրութի շրջանի Վարդաշատ գյուղում գտնված կնոջ մարմինը բարձր հավանականությամբ Նինա Դավիթյանն է: Ինքնությունը վերջնականորեն կհաստատվի ԴՆԹ անալիզի արդյունքներով:
Նինա տատիկը 80 տարեկան էր, ով իր ամուսնու՝ Դավիթ Դավիթյանի հետ մնացել էր Վարդաշատ գյուղի իր տանը և սպանվել ադրբեջանական զինծառայողների կողմից: Փորձաքննության նախնական տվյալներով՝ մարմնի կրծքավանդակին և աջ ձեռքին առկա են հրազենային վնասվածքներ, իսկ գլխի որոշ ոսկորներ ջախջախված են, ինչը կարող է լինել կա՛մ հրազենային, կա՛մ կոշտ առարկայի հարվածի հետևանք:
Նշեմ, որ ամուսնու ճակատագրի մասին որևէ տեղեկություն դեռ չկա»,- գրել է Արտակ Բեգլարյանը։
