01.04.2026 | 15:21
Ջենարո Գատուզո․ Այսօր ամեն բան արդար էր, սա ֆուտբոլ է
Գերեվարված կամ անհետ կորած շիրակցիների հարազատները հանդիպել են ՄԻՊ Արման Թաթոյանին
Հասարակություն
18.12.2020 | 20:03
Արցախի Խծաբերդ ու Հին Թաղեր բնակավայրերում գերեվարված կամ անհետ կորած կամավորների, զինծառայողների հարազատները կրկին Շիրակի մարզպետարանում են։ Նրանք հանդիպում են ՀՀ ՄԻՊ Արման Թաթոյանի ու ՄԻԵԴ-ում ՀՀ ներկայացուցիչ Եղիշե Կիրակոսյանի հետ։ Հարազատները նրանց են փոխանցում զինվորների անձնական տվյալները։
Արման Թաթոյանն ասել է, որ այն ամենը, ինչ ՄԻՊ-ի իրավասությանն է վերաբերում, ուսումնասիրում են։ Իսկ թվային տվյալների առաջնային աղբյուրը մարդու իրավունքների պաշտպանը չէ․ ՄԻՊ-ն իրականացնում է հավաքագրում տարբեր աղբյուրներից։
Նա նաև տեղեկացրել է, որ այսօր հանդիպել է Կարմիր Խաչի միջազգային կոմիտեի նորանշանակ ղեկավարին ու քննարկել գերեվարված և անհետ կորած տղաների հարցը։ Շիրակցի զինծառայողների կարգավիճակի մասին, սակայն, վերջնական տեղեկություններ դեռ չկան։
Նշենք, որ նրանց հարազատները մի քանի օր է՝ բողոքի ակցիաներ են կազմակերպում։ Այսօր էլ նրանք կրկին փակել էին Երևան-Գյումրիի ավտոճանապարհը, նախ՝ Ազատանի, ապա՝ Հոռոմի հատվածը՝ տեղեկություն պահանջելով իրենց զինվորներից։
Էմմա Չոբանյան
