08.11.2024 | 14:03
Կարծում եմ՝ կխոսենք․ Թրամփը հայտարարել է, որ պատրաստ է զրուցել Պուտինի հետ
Բելգիացի պաշտոնյան սխալմամբ հույժ գաղտնի տեղեկություն է հրապարակել կորոնավիրուսի դեմ 6 պատվաստանյութերի գների մասին
Քաղաքականություն
18.12.2020 | 18:03
Բելգիայի բյուջեի հարցերով պետքարտուղար Եվա Դե Բլիկերը սխալմամբ Twitter-ում հույժ գաղտնի տեղեկություն է հրապարակել արևմտյան բոլոր 6 պատվաստանյութերի գների մասին, որոնց նախապատվերներն արդեն տվել է Եվրահանձնաժողովը ԵՄ երկրների համար, գրում է ՏԱՍՍ-ը։
Պաշտոնյան արագորեն հասկացել է սխալը և խմբագրել է թվիթը, սակայն լրագրողները հասցրել են սքրինշոթ անել, որն այժմ հրապարակում են բելգիական լրատվամիջոցները, այդ թվում՝ RTBF հեռուստաալիքը։
Համաձայն այդ աղյուսակի տվյալների՝ պատվաստանյութի մեկ չափաբաժինը AstraZeneca- ի համար կկազմի 1,78 եվրո, Johnson & Johnson-ի համար՝ 7 եվրո, Sanofi – GSK-ի համար՝ 7,56 եվրո, CureVac-ի համար՝ 10 եվրո, BioNTech – Pfizer-ի համար՝ 12 եվրո և Moderna-ի համար՝ 14․6 եվրո:
Խոսքը գների մասին է, որով ԵՄ երկրները կկարողանան գնել այս պատվաստանյութերը, որից հետո յուրաքանչյուր երկիր ինքնուրույն կարող է որոշել պատվաստման հատուկ պայմանները։
Տաթև Ֆռանգհան
