20.05.2026 | 15:24
Մենք օր օրի ավելի ենք մոտենում վիզաների ազատականացմանը. Արփինե Սարգսյան․ ՏԵՍԱՆՅՈՒԹ
Սիրիայում ԱՄՆ բազայի վրա հարձակում է տեղի ունեցել․ Al Masdar
Քաղաքականություն
18.12.2020 | 16:36
Անհայտ անձինք մի քանի հրետանային արկ են արձակել Դեր Զորի արևելյան հատվածում գտնվող Ալ-Ումար նավթահանքերի մոտակայքում տեղակայված ամերիկյան բազայի ուղղությամբ, գրում է Al Masdar News-ը։
Մարդու իրավունքների սիրիական մշտադիտարկման կենտրոնը (SOHR) հայտարարել է, որ «ամերիկյան ուժերը և Սիրիայի ժողովրդավարական ուժերը միջին ու ծանր զենքեր են կիրառել»՝ նշելով, որ զոհերի մասին մինչ օրս տեղեկություններ չեն ստացվել:
Անհայտ անձինք նաև ինքնաձիգով կրակ են բացել Ալ-Ազրաքի մոտակայքում տեղակայված նավթահորի պաշպանության համար պատասխանու մեքենայի ուղղությամբ։
Փետրվարին Վաշինգտոնն ընդլայնել էր իր բազան Ալ-Ումար նավթահանքում, որը Սիրիայի խոշորագույն բազաներից է, իսկ Դեր Զորի շրջանում՝ ամենախոշոր բազան։ Ալ-Ումարը Սիրիայի ներսում ամենամեծ նավթահանքն է. այն գրավել էին Սիրիայի դեմոկրատական ուժերը (SDF) 2017 թվականին, իսկ ԱՄՆ կոալիցիայի կողմից շահագործվում է Դեր Զոր ներխուժելուց հետո:
Դամասկոսը Վաշինգտոնին մեղադրել է Ալ-Ումարի նավթահանքն օկուպացնելու մեջ՝ զրկելով սիրիացիներին նավթից, քանի որ նրանք թույլ չեն տալիս իշխանության ներկայացուցիչներին մոտենալ այդ տարածքին։
Տաթև Ֆռանգյան
