08.11.2024 | 13:53
Ալիևը «Արևմուտքում նստած իսլամաֆոբներին ու ադրբեջանաֆոբներին» մեղադրել է ՀՀ-ին սպառազինելու և նոր պատերազմ հրաահրելու համար
Բելառուսում ցանկանում են հարկ սահմանել արտերկիր մեկնելու համար
Քաղաքականություն
18.12.2020 | 17:49
Բելառուսում առաջարկվում է ժամանակավորապես բարձրացնել հարկերի որոշ դրույքաչափեր՝ COVID-19-ի պատճառով ծախսերը փոխհատուցելու համար: Այս մասին հայտարարել է երկրի ֆինանսների նախարարի առաջին տեղակալ Դմիտրի Կիյկոն, փոխանցում է EurAsia Daily-ին:
Մասնավորապես, Պատգամավորների շրջանային խորհուրդներին կարող է թույլատրվել տեղական հարկ սահմանել Բելառուսի պետական սահմանը հատելու համար՝ 5 տոննայից պակաս քաշ ունեցող մեքենաներով հատելու դեպքում, ոչ ավելի, քան 3 բազային մեծություն (մոտ 30 դոլար): Նրանց իրավունք կտրվի նաև բարձրացնել կամ նվազեցնել անհատ ձեռնարկատերերի և ֆիզիկական այլ անձանց մեկ հարկի դրույքաչափը՝ կախված գործունեության տեսակից, իսկ Մինսկի քաղաքային խորհրդին կթույլատրվի այս հարկի դրույքաչափը բարձրացնել մինչև 4 անգամ:
«Որպես լրացուցիչ միջոց՝ առաջարկվում է ժամանակավոր հիմունքներով՝ 2021-2022 թվականներին, բարձրացնել եկամտահարկի դրույքաչափը բջջային կապի օպերատորների և համընդհանուր հեռահաղորդակցական ծառայությունների պարտադիր մատուցման համար՝ 18%-ից հասցնելով 30%-ի: Առաջարկվում է եկամտահարկի դրույքաչափը 25%-ից բարձրացնել 30%-ի գրավատների համար»,- հայտարարել է Կիյկոն:
Տաթև Ֆռանգյան
