28.04.2026 | 17:17
Վահագն Խաչատուրյանն ընդունել է Էստոնիայի Ռիյգիկոգուի Էստոնիա-Հայաստան խորհրդարանական բարեկամական խմբի անդամներին
Եթե ինչ-որ բան Թուրքիայի համար շահեկան է, նա գնում է մինչև վերջ․ Պուտինը բնութագրել է Էրդողանին
Քաղաքականություն
17.12.2020 | 18:17
ՌԴ նախագահ Վլադիմիր Պուտինն ու Ռեջեփ Թայիփ Էրդողանը երբեմն տարբեր տեսակետներ են ունենում առանձին հարցերի շուրջ։ Այս մասին այսօր հրավիրված մամուլի ասուլիսի ժամանակ հայտարարել է Պուտինը՝ պատասխանելով հարցին, թե ո՞ր ղեկավարների հետ է ավելի հարմարավետ գործ ունենալ։
«Հնարավոր է՝ երբեմն նաև հակադիր տեսակետներ ենք ունենում։ Սակայն նա մարդ է, ով իր խոսքի տերն է։ Տղամարդ։ Նա պոչ չի խաղացնում»,- ասել է Պուտինը՝ բնութագրելով թուրք գործընկերոջը։
Պուտինը նշել է, որ եթե Էրդողանն ինչ-որ բան Թուրքիայի համար շահեկան է համարում, ապա գնում է մինչև վերջ, նրա վարքագիծը կանխատեսելի է։
«Սա չափազանց կարևոր է՝ հասկանալու համար, թե ում հետ գործ ունես»,- հավելել է Պուտինը։
Տաթև Ֆռանգյան
