18.11.2024 | 19:42
Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել
Զարմանում եմ՝ Փաշինյանն ինչպես է կարողանում այսքան համառել ու կառչած մնալ աթոռից. Գորգիսյան․ ՏԵՍԱՆՅՈՒԹ
Քաղաքականություն
17.12.2020 | 17:46
Եթե մարդն իրեն հայտարարել է գերագույն գլխավոր հրամանատար, ուրեմն հաջողության դափնիներն էլ են իրենը, պարտության բեռն էլ՝ այդ թվում նաև մեղավորությունը: Այս մասին Factor.am-ի հետ զրույցում ասաց «Լուսավոր Հայաստան» խմբակցության պատգամավոր Գևորգ Գորգիսյանը՝ անդրադառնալով դիտարկմանը, որ վարչապետ Նիկոլ Փաշինյանը իր հարցազրույցներից մեկում շեշտել է, որ ինքն է իրավիճակի գլխավոր պատասխանատուն, բայց ինքը չէ գլխավոր մեղավորը:
«Ես համամիտ չեմ: Եվ շարունակում եմ զարմանալ, թե նա ինչպես է կարողանում այսքան համառել, աներեսություն դրսևորել և շարունակել ամեն գնով կառչած մնալ այդ աթոռից»,- նշեց Գորգիսյանը:
Նրա դիտարկմամբ՝ Փաշինյանը այլևս չունի վստահության և իշխանության մնալու ռեսուրս և լեգիտիմություն. «Այսպես թե այնպես նա հեռանալու է. կա երկու ճանապարհ՝ կա՛մ նա երկիրը տանելու է ցնցումների, կա՛մ գալու է ԱԺ և նրա հրաժարականից հետո ԱԺ-ն ընտրելու է նոր վարչապետ: Լավագույն տարբերակը կլիներ այն, որ կարողանայինք հանել ռազմական դրությունը, և ԱԺ-ն անվստահություն հայտներ ու միանգամից ընտրվեր նոր վարչապետ»:
Գորգիսյանի կարծիքով՝ այս փուլում արտահերթ ընտրությունների գնալը արկածախնդրություն կլինի, քանի որ երկրում լարված մթնոլորտ է:
Մանրամասները՝ տեսանյութում:
