17.09.2026 | 17:10
Նարեկ Կարապետյանի հետ ինձ ծանոթացրել է իմ լավ ընկեր Էդմոն Մարուքյանը․ Հովակիմյան․ ՏԵՍԱՆՅՈՒԹ
Ադրբեջանի 12,024 քաղաքացիների Ստեփանակերտում բնակեցնելու վերաբերյալ լուրը բացարձակ հիմարություն է․ Վահրամ Պողոսյան
Հասարակություն
17.12.2020 | 17:20
Լուրը, որ Ադրբեջանի 12,024 քաղաքացի կբնակեցվի Ստեփանակերտում, բացարձակ հիմարություն է։ Այս մասին իր ֆեյսբուքյան էջում կատարած գրառման մեջ նշել է Արցախի նախագահի մամուլի խոսնակ Վահրամ Պողոսյանը։
«Հայկական լրատվամիջոցները, հղում անելով «Вестник Кавказа» կայքին, ադրբեջանական աղբյուների հերթական ապատեղեկատվությունն են տարածում, թե իբր Ադրբեջանի 12,024 քաղաքացի կբնակեցվի Ստեփանակերտում։ Սա բացարձակ հիմարություն է, որը ադրբեջանական քարոզչամեքենան դիտավորյալ կերպով տարածում է՝ մեր հանրության շրջանում այս օրերին առկա լարված տրամադրություններն ավելի մեծացնելու համար:
Մի կարևոր դիտարկում ևս. «Вестник Кавказа» կայքի գործունեության առանցքում միշտ եղել է թշնամու քարոզչական թեզերը ռուսալեզու լսարանում տարածելը, ուստի հայկական մեդիայի պատասխանատուներին խնդրում եմ հնարավորինս զերծ մնալ այդ կայքից որևէ նյութ տարածելուց»,- նշել է նա։
