16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Թուրքիան հայտարարել է՝ որ դեպքում կկարգավորի հարաբերությունները Ֆրանսիայի հետ
Քաղաքականություն
17.12.2020 | 15:54
Թուրքիայի ԱԳ նախարար Մևլութ Չավուշօղուն հայտարարել է, որ իր երկիրը կարող է կարգավորել հարաբերությունները Ֆրանսիայի հետ, սակայն Փարիզը պետք է փոխի իր դիրքորոշումը Սիրիայում թուրք զինվորականների գործողությունների վերաբերյալ։
Al Masdar News-ը գրում է, որ Թուրքիան բազմիցս կոշտ քննադատություններով է փոխանակվել Ֆրանսիայի հետ Սիրիայում, Լիբիայում և Լեռնային Ղարաբաղում վարվող քաղաքականության և Ֆրանսիայում Մուհամմեդ մարգարեի ծաղրանկարների հրապարակման հետ կապված:
Փարիզը ղեկավարում է Թուրքիայի նկատմամբ Եվրամիության պատժամիջոցներ կիրառելու ջանքերը, հատկապես՝ Ղարաբաղում և Լիբիայում վերջին միջամտությունների պատճառով:
Ֆրանսիան Միջերկրական ծովի արևելյան մասում եղել է Աթենքի գլխավոր դաշնակիցը, բազմիցս քննադատել են Թուրքիային` Հունաստանի տարածքային ամբողջականությունը խախտելու համար: Եվ, վերջապես, Ֆրանսիան սատարել է ղարաբաղյան պատերազմի խաղաղ կարգավորումը, ինչը Բաքուն և Անկարան այս երկարատև հակամարտության հարցում որակում են որպես Փարիզի կողմից աջակցություն Երևանին:
Տաթև Ֆռանգյան
