17.09.2026 | 16:06
Թրամփը ՄԱԿ ԳՎ-ի շրջանակում Իրանի պատերազմը կքննարկի Պարսից ծոցի երկրների ղեկավարների հետ
ԱՀԿ միջազգային հետազոտողների թիմը կայցելի Չինաստան` ուսումնասիրելու կորոնավիրուսի ծագման աղբյուրները․ Reuters
Քաղաքականություն
17.12.2020 | 19:29
ԱՀԿ միջազգային հետազոտողների թիմը հաջորդ տարվա հունվարին կայցելի Չինաստան՝ ուսումնասիրելու նոր տիպի կորոնավիրուսի ծագման աղբյուրները, գրում է Reuters-ը։
«Ես ողջունում եմ նրանց այցը: Մենք ևս ցանկանում ենք իմանալ, թե ինչպես է այն զարգացել, մասնավորապես, որտեղից է եկել, եթե վիրուսի աղբյուրն այստեղ է», – ասել է Ուհանի բնակիչներից մեկը:
Նա հավելել է, որ համոզված է՝ վիրուսը չի տարածվել Ուհանի ծովամթերքի շուկայից։
ԱՀԿ-ն դեռևս չի հաստատել՝ արդյո՞ք իր թիմը կայցելի Ուհան՝ հայտարարելով, որ քննարկումները դեռևս շարունակվում է։ Հիշեցնենք, որ հուլիսին ԱՀԿ 2 աշխատակիցներ այցելել էին Չինաստան, սակայն Ուհանում չէին եղել։
Ավելի վաղ Reuters-ը հայտնել էր, որ 12-15 հոգանոց միջազգային փորձագետների թիմն այցելելու է Ուհան՝ ուսումնասիրելու ապացույցները, այդ թվում՝ չինացի հետազոտողների կողմից մարդկանցից ու կենդանիներից վերցված փորձանմուշները՝ հիմնվելով նախնական ուսումնասիրությունների վրա։
Տաթև Ֆռանգյան
