08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Պարենային ապրանքների գների աննախադեպ աճ կա միջազգային շուկայում․ Վահագն Խաչատրյան. ՏԵՍԱՆՅՈՒԹ
Տնտեսություն
17.12.2020 | 12:49
Երկրում 180 աստիճան ամեն ինչ փոխվել է: Սրա գիտակցությունը պետք է բերի նրան, որ երկրի զարգացման հեռանկարների առումով քաղաքականությունը պետք է փոխվի»: Այս մասին «Դրամի արժեզրկումը և տնտեսական դաշտի խնդիրները» թեմայով քննարկման ժամանակ նշեց տնտեսագետ Վահագն Խաչատրյանը:
Ըստ նրա, իշխանության ներկայացուցիչները գիտակցում են, ուղղակի թե ինչ պետք է անել, սա է խնդիրը: «Պետք է խնդիրների ցուցակ կազմենք»,- նշեց Խաչատրյանը:
Տնտեսագետի խոսքով՝ արժույթի արժեզրկման համաշխարհային միտում կար, դրան էլ ավելացան ներքին գործոնները՝ տնտեսական աճի բացակայություն, պետական բյուջեի մուտքերի խնդիրներ, ներդրումների պակաս, կորոնավիրուսով պայմանավորված տնտեսական խնդիրներ:
Տնտեսագետը նաև նկատեց, որ հուլիսից սկսած պարենային ապրանքների գների աննախադեպ աճ կա միջազգային շուկայում:
«Մենք չափից ավելի զգույշ ենք ուզում լինել հատկապես ֆինանսական շուկայում: Երևի այն եզակի տեղն է, որ դեռևս կանոնակարգվում է, ինչ որ որոշակի տրամաբանության մեջ է աշխատում, որովհետև մնացած բնագավառներում այլևս տրամաբանություն չունենք»,- նշեց Վ.Խաչատրյանը:
Տնտեսագետի խոսքով, անորոշությունները, որոնց պատասխաններ չեն տրվում, նոր անորոշությունների պատճառ են դառնում: «Սա է պատճառը, որ խնդիրներ կան արտարժութի շուկայում, տնտեսական կյանքում: Լրջագույն պրոբլեմ է նաև ներդրումների հետ կապված վիճակը: Չգիտեմ՝ այդ սպասելիքները եկող տարի ինչքան են արդարանալու կամ իրականանալու, կապված է լինելու պատերազմով, տարածաշրջաային խնդիրներով»,- ասաց Վ. Խաչատրյանը:
Մանրամասները՝ տեսանյութում:
