30.06.2026 | 22:34
Ուկրաինայում ռուսական ավիահարվածից ադրբեջանցի ուսանողուհի է մահացել. պատերազմից ի վեր ավելի քան 130 ադրբեջանցի է զոհվել
ԱՄՆ-ում կորոնավիրուսի դեմ պատվաստումից հետո 2 բուժաշխատողի մոտ ուժեղ ալերգիկ ռեակցիա է առաջացել
Քաղաքականություն
17.12.2020 | 16:26
ԱՄՆ Ալյասկա նահանգից երկու բուժաշխատողի մոտ ամերիկյան Pfizer և գերմանական BioNTech ընկերությունների կողմից մշակված կորոնավիրուսի դեմ պատվաստանյութով պատվաստվելուց հետո ուժեղ ալերգիկ ռեակցիա է առաջացել։ Այս մասին հայտնում է The New York Times-ը։
Պարբերականի տվյալների համաձայն՝ բուժաշխատողներից մեկը հոսպիտալացվել է։ Ներկայում նա կայուն վիճակում է։ Ըստ հոդվածի՝ հայտնի չէ՝ արդյո՞ք տուժածներն ունեցել են ալերգիկ հակում, ինչը բարդացնում է ԱՄՆ-ում համընդհանուր պատվաստմանը գնահատականներ տալուն։
Միաժամանակ, Pfizer ընկերությունից հայտնել են, որ մանրամասն կուսումնասիրեն Ալյասկայում բուժաշխատողների մոտ առաջացած ալերգիկ ռեակցիայի մասին տեղեկությունները։
«Մենք Ալյասկայում բուժաշխատողի մոտ հնարավոր ուժեղ ալերգիկ ռեակցիայի մասին բոլոր տեղեկությունները չունենք, սակայն ակտիվ կհամագործակցենք նահանգի բժիշկների հետ»,- նշել են ընկերությունից։
Տաթև Ֆռանգյան
