09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Արցախում շրջափակման մեջ հայտնվածների հարազատները բողոքի ակցիա են արել Շիրակի մարզպետարանի մոտ
Հասարակություն
16.12.2020 | 16:26
Արցախում շրջափակման մեջ հայտնված, անհայտ դրության մեջ գտնվող զինծառայողների մեծ մասը Շիրակի տարբեր համայնքների բնակիչներ են։ Այսօր նրանց հարազատները բողոքի ակցիա են իրականացրել Շիրակի մարզպետարանի դիմաց՝ փակելով շենքի մուտքը։
Ակցիայի մասնակիցները նշել են, որ երեկ երեկոյան համացանցում տարածված տեսանյութում ճանաչել են իրենց զինծառայողներին։
Շիրակի մարզպետարանի տեղեկատվության ու հասարակայնության հետ կապերի բաժնից Factor.am-ին տեղեկացրին, որ մարզպետը հանդիպել է հարազատներին, ավելի վաղ էլ Տիգրան Պետրոսյանը եղել է Արցախում, տեղում ծանոթացել իրավիճակին և այսօր հարազատներին փոխանցել իր ունեցած տեղեկությունները։
Այստեղ նշեցին նաև, որ այժմ մարզպետը փորձում է պաշտպանական գերատեսչության ու հարազատների միջև կապող օղակ հանդիսանալ՝ մինչև որոշ հստակեցումներ լինեն։
Ակցիան արդեն ավարտվել է։
Միաժամանակ, շրջափակման մեջ հայտնվածների հարազատները Շիրակի մարզում նաև ավտոճանապարհներ են փակել և իշխանություններից պարզաբանում պահանջել։
Էմմա Չոբանյան
