12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Արտահերթ ընտրության դեպքում դատավորները կարող են սաբոտաժ անել, կեղծիքները չքննել. Դանիել Իոաննիսյան. ՏԵՍԱՆՅՈՒԹ
Քաղաքականություն
16.12.2020 | 14:35
Անկախ նրանից, թե ընտրությունները երբ կլինեն, մեզ պետք է, որ ընտրությունները լինեն որակյալ, որպեսզի ձևավորվող Ազգային ժողովը համամասնորեն ներկայացնի հանրային տրամադրությունները, և ձևավորված կառավարությունն էլ՝ հանրության մեծամասնության մոտեցումները: Դրա համար մեզ պետք է որակյալ Ընտրական օրենսգիրք և հարակից օրենքների փաթեթ, ինչպես նաև ընտրությունների պատշաճ իրականացում: Այս մասին լրագրողների հետ զրույցում ասաց «Իրազեկ քաղաքացիների միավորում» ՀԿ համակարգող Դանիել Իոաննիսյանը:
«Կարևոր է, որ դատարանները նորմալ, անաչառ վերաբերվեն բոլոր ընտրական վեճերին, անաչառ քննեն ընտրական հանցագործությունները՝ ում կողմից էլ որ դրանք կատարված լինեն»,- նշեց Իոաննիսյանը:
«Ես չգիտեմ ՀՀ որևիցե նախագահ, որ դատական իշխանության ներկայացուցիչների հետ այդ ձևաչափով հանդիպում ունեցած չլինի,- նշեց Իոաննիսյանը՝ անդրադառնալով դատական համակարգի ներկայացուցիչների հետ Նիկոլ Փաշինյանի հանդիպմանը: Նա նաև հավելեց, որ դա չի դիտարկում որպես վարչապետի կողմից դատական իշխանության վրա ճնշում:
«Եթե Հայաստանում դատական համակարգը լիներ գործադիրին ենթակա, ապա այժմ մենք բավականին այլ իրավիճակ կունենայինք:
Մեզ պետք են դատավորներ, որոնք կգործեն անաչառ, մանավանդ երբ որ խոսքն ընտրությունների մասին է: Իշխանությունների պարտականությունն է ստեղծել անաչառ դատական համակարգ, որը կկարողանա ընտրությունների ժամանակ ազնիվ և պատշաճ քննել ընտրական վեճերը և չառաջնորդվել քաղաքական ցանկություններով»,-նշեց Իոաննիսյանը:
Նա նաև ընդգծեց, որ արտահերթ ընտրությունների դեպքում դատավորները կարող են սաբոտաժ անել, կեղծիքները չքննել:
Մանրամասները՝ տեսանյութում:
