27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Ադրբեջանը կանգ չի առնելու․ 1994 թվականից հետո չհասկացա՞նք․ Թևան Պողոսյան. ՏԵՍԱՆՅՈՒԹ
Քաղաքականություն
15.12.2020 | 14:32
Մեր երկրում ստեղծված անորոշությունը ստիպում է վատ կանխատեսումներ անել, այսինքն՝ նոյեմբերի 9-ին Ռուսաստանի, Ադրբեջանի և Հայաստանի ղեկավարների կողմից ստորագրված եռակողմ հայտարարությունը պատերազմի դադարեցման երաշխիք չէ. Ադրբեջանը նոր տարածքներ է իր վերահսկողության տակ առունում:
«Հայաստանի սահմանները. ո՞վ գիտի՝ որտե՞ղ են սկսվում և որտե՞ղ ավարտվում» թեմայով առցանց քննարկման ժամանակ անդրադառնալով այս դիտարկմանը՝ «Մարդկային զարգացման միջազգային կենտրոն» ՀԿ նախագահ Թևան Պողոսյանը նշեց. «Ես հասկանում եմ, թե ով է մեր առջև կանգնած՝ նույն թուրքն է: 15թ.-ից կասկածնե՞ր եք ունեցել, որ առիթ ունենալով, Թուրքիան ինչ-որ բանով վնասելու է, թե՞ 94թ. այս կողմ եք կասկածներ ունեցել, որ Ադրբեջանը միշտ էլ կանգնելու է և առիթն օգտագործելու է՝ թե՛ դիպուկահարների պատերազմով, թե՛դիվերսիաներով: Եվ հիմա կասկածանքո՞վ եք վերաբերվում, որ նրանց գործողությունները կարող են շարունակական լինել: Այո՛, շարունական են լինելու: Նրանք բացահայտ ասել են, որ երազում են Սյունիքը, Սևանն ու Երևանը վերցնել, իրենց երազանքի քարտեզը ներկայացրել են, որտեղ Հայաստանը չկա: Այս մասին պետք է մտածեին բանակցողները… 94թ. հետո դասեր չստացա՞նք, որ Ադրբեջանը չի կանգնելու, և հիմա էլ կանգ չի առնելու… Ադրբեջանն ու Թուրքիան ուզում են մեզ վերացնել, և այդ մասին բացահատ ասել են, իսկ մենք այդպես էլ չենք հասկանում, որ թուրքն է մեր թշնամին, ու մեր մեջ ենք մեղավորներ փնտրում:»:
Մանրամասները՝ տեսանյութում:
