27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Բաշկիրիայում հրդեհվել է ծերանոց․ հաստատության բոլոր տարեց բնակիչները զոհվել են․ ՏԱՍՍ
Քաղաքականություն
15.12.2020 | 10:46
Բաշկիրիայի Իշբուլդինո գյուղի ծերանոցում դեկտեմբերի 15-ին հրդեհ է գրանցվել։ Հրդեհի զոհ է դարձել 11 մարդ։ Այս մասին հայտնում է ՏԱՍՍ-ը։
Հրդեհի մասին ԱԻՆ ծառայություն հաղորդագրություն է ստացվել տեղի ժամանակով ժամը 00:53-ին։ Հրշեջների դեպքի վայր ժամանելու պահին մեկհարկանի փայտե շենքն ամբողջությամբ այրված է եղել։ Հրդեհի մակերեսը կազմել է 72 քառ. մ։ Այս մասին հայտնում է Ռուսաստանի արտակարգ իրավիճակների նախարարության մամուլի ծառայությունը:
Հրդեհված շենքում եղել է 16 մարդ, որոնցից 5-ին հաջողվել է փրկել։ Արտակարգ ծառայություններից հայտնում են, որ հաստատության աշխատակիցները կարողացել են փրկվել, զոհվել են միայն տարեց բնակիչները։ Հարուցվել է քրեական գործ։ Նախնական վարկածով՝ հրդեհի պատճառը կարող էր լինել կրակի հետ անզգուշությամբ վարվելը։
Տաթև Ֆռանգյան
