09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Հզոր պայթյուն և հրդեհ Իրանի գլխավոր նավթամուղում
Քաղաքականություն
14.12.2020 | 16:03
Իրանական լրատվամիջոցները հայտնել են, որ Մարուն նավթամուղի պայթյունի հետևանքով հրդեհ է բռնկվել, ինչին հաջորդել է նավթի արտահոսք։ Այս մասին հայտնում է Аl Мasdar News-ը։ Նշվում է, որ հրշեջները փորձում են մարել կրակը, որը բռնկվել է երկրի երկրորդ խոշորագույն վերամշակման գործարան նավթ մղող խողովակաշարի մեջ:
Իրանի հարավ-արևմուտքում գտնվող Չահար Մահալ և Բախտիարի նահանգի արտակարգ իրավիճակների վարչության պետ Խոսրու Քայանին իրանական Mehr լրատվական գործակալությանը հայտնել է, որ Սպահանի գործարանը սնուցող Մարուն խողովակաշարի վրա պայթյունը տեղի է ունեցել Արդալում, ինչը նշանակում է, որ նավթի արտահոսքը գրանցվել է դժվար հասանելի վայրում:
Պաշտոնյան ասել է, որ հրշեջ ջոկատներին հաջողվել է կանգնեցնել նավթի արտահոսքը, սկսվել են վերականգնման աշխատանքները։ Նա հավելել է, որ վթարը շրջակա միջավայրին թեթև վնաս է պատճառել։ Մարդկանց շրջանում տուժածներ չկան։
Տաթև Ֆռանգյան
