17.09.2026 | 13:01
Հիփոթեք ունեմ 11,5%-ից դառել ա 13%, էդ ո՞նց ա ստացվում․ «Ուժեղ Հայաստանի» պատգամավոր․ ՏԵՍԱՆՅՈՒԹ
ԱՄՆ-ում սկսում են կորոնավիրուսի դեմ պատվաստումները․ BBC
Քաղաքականություն
14.12.2020 | 17:00
Ամերիկյան Pfizer և գերմանական BioNTech ընկերությունների կողմից մշակված պատվաստանյութերի առաջին չափաբաժինները երկուշաբթի կեսօրին պետք է հասցվեն ԱՄՆ 145 քաղաք։ Դրանից անմիջապես հետո կսկսվեն զանգվածային պատվաստումները, գրում է BBC-ի ռուսական ծառայությունը։
Անցած ուրբաթ Սննդամթերքի ու դեղամիջոցների որակի վերահսկման վարչությունն արտահերթ կերպով հավանության է արժանացրել կորոնավիրուսի դեմ պատվաստանյութի օգտագործումը՝ Մեծ Բրիտանիայից ու Կանադայից հետո։ Պատվաստումն իրականացվում է երկու փուլով․ նախ՝ կատարվում է առաջին ներարկումը, 21 օր անց՝ երկրորդը։
ԱՄՆ իշխանությունների ծրագրերի համաձայն՝ առաջին փուլում պատվաստանյութը հասանելի կլինի Միացյալ Նահանգների 21 միլիոն բնակիչների, որոնք աշխատում են առողջապահության ոլորտում, և ծերանոցներում բնակվող 3 միլիոն մարդու։ Անցած շաբաթ ԱՄՆ առողջապահության նախարար Ալեքս Ազարը խոստացել էր, որ մինչև Ամանոր կառավարությունը 20 միլիոն ամերիկացիների կապահովի պատվաստանյութով։
Առաջնայինների ցուցակում հիշատակվում են միայն արտակարգ ծառայությունների աշխատակիցները, այդ թվում՝ ոստիկաններն ու հրշեջները, ուսուցիչներն ու ծանր հիվանդություններով տառապող բնակիչները։ Մյուս ամերիկացիները ստիպված են լինելու սպասել իրենց հերթին ևս մի քանի ամիս։
Ակնկալվում է, որ այս շաբաթ ԱՄՆ իշխանությունները կկարողանան հավանության արժանացնել ևս մեկ պատվաստանյութ, որը մշակել է Moderna ընկերությունը։
Տաթև Ֆռանգյան
