15.12.2025 | 13:31
Հեյդար Ալիևի արձանին «Ստալին» գրած ընդդիմադիր ադրբեջանցի ակտիվիստը «ինքնասպան է եղել» բանտում
Հնդկաստանը նախապատրաստվում է Պակիստանի ու Չինաստանի հետ ինտենսիվ պատերազմի․ Hindustan Times
Քաղաքականություն
14.12.2020 | 15:39
Չինաստանի հետ հակամարտության ֆոնին Հնդկաստանը քայլեր է ձեռնարկել՝ թույլ տալով զինված ուժերին ավելացնել զենքի ու սպառազինության քանակն այնքան, որպեսզի դա բավականացնի 15-օրյա ինտենսիվ մարտերի դեպքում, գրում է Hindustan Times–ը։
Օգտվելով Արևելյան Լադաքում Չինաստանի հետ շարունակվող հակամարտության հետևանքով պահեստավորման ընդլայնված պահանջներից ևարտակարգ ֆինանսական լիազորություններից՝ նախատեսվում է, որ պաշտպանական ուժերը կծախսեն ավելի քան 50․000 միլիոն ռուփի ՝ տեղական և արտասահմանյան ընկերություններից սարքավորումներ և զինամթերք ձեռք բերելու համար:
Զենքի և զինամթերքի պաշարները նվազագույնը 15-I մակարդակի բարձրացնելու թույլտվությամբ՝ Հնդկաստանի պաշտպանական ուժերը նախապատրաստվել են երկու ճակատով պատերազմի՝ ինչպես Չինաստանի, այնպես էլ Պակիստանի հետ:
Աղբյուրները նշում են նաև, որ տանկերի և հրետանու համար մեծ քանակությամբ հրթիռներ և զինամթերք է ձեռք բերվել:
Հավելենք, որ այս տարածաշրջանում իրավիճակը լարվել է 2020 թվականի մայիսից։ Երկու երկրների միջև վիճելի տարածք է համարվում Աքսայչին շրջանը, որը վերահսկում է Չինաստանը, սակայն Հնդկաստանը վիճարկում է այն և ներառում Չինաստանին սահմանակից հնդկական Լադաք շրջանի կազմում։
Ինչ վերաբերում է Հնդկաստանի ու Պակիստանի միջև կոնֆլիկտին, այս երկրների միջև լարվածության պատճառը Քաշմիրի շրջանն է։
Տաթև Ֆռանգյան
