09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ըստ ամենայնի՝ ՀՀ հաջորդ նախագահը կընտրվի մարտի 2-ին
Քաղաքականություն
15.01.2018 | 16:04
Հայաստանի Հանրապետական կուսակցությունը ՀՀ նախագահի թեկնածուի վերաբերյալ քննարկումները կսկսի այս շաբաթվա ընթացքում: ԱԺ ՀՀԿ խմբակցության ղեկավար Վահրամ Բաղդասարյանը, լրագրողների հետ զրույցում անդրադառնալով հարցին, նշեց, թե առայժմ կոնկրետ թեկնածուների անուններ չի կարող ասել. «Այս պահին թեկնածուների անուններ դուք չեք կարող իմանալ, որովհետև մենք այդ հարցը դեռ չենք քննարկել: Երբ որ կսկսենք քննարկումներն արդեն այս շաբաթվա ընթացքում և կունենանք որոշում, այդ մասին բոլորդ կտեղեկացվեք»,- ասաց Բաղդասարյանը՝ հիշեցնելով, որ նախագահի ընտրության ժամանակահատվածը փետրվարի 28-ից մարտի 10-ն է:
Աժ ՀՀԿ խմբակցության ղեկավարի խոսքով՝ ըստ ամենայնի խորհրդարանում ՀՀ նախագահի ընտրությունը տեղի կունենա մարտի 2-ին:
Վահրամ Բաղդասարյանը նաև վարչապետի թեկնածության շուրջ որևէ հստակ տեղեկատվություն չուներ: Ըստ նրա՝ վարչապետի թեկնածու ներկայացնելուց առաջ պետք է ներկայացնեն նախագահի թեկնածուին, ինչից հետո էլ կսկսվեն արդեն վարչապետի թեկնածության քննարկումները:
