10.06.2026 | 14:14
Զախարովան ԵՄ-ին մեղադրել է «ՀՀ-ում ընտրական գործընթացը վերահսկելու, ՔՊ-ին՝ ընդդիմության նկատմամբ ճնշումների» մեջ
Նյու Յորքի եկեղեցու բակում կրակոցներ են հնչել․ հանցագործը սպանվել է․ Reuters
Քաղաքականություն
14.12.2020 | 13:54
Նյու Յորքում զինված անձը «Սպանի՛ր ինձ» գոռալով՝ կրակ է բացել քաղաքի Սուրբ Հովհաննես եկեղեցու աստիճաններին սուրբծննդյան ամենամյա ելույթից անմիջապես հետո։ Վերջինը սպանվել է ոստիկանների կողմից արձակված կրակոցների արդյունքում, գրում է Reuters-ը։
Դեպքի վայրում գտնվող իրավապահների արագ գործողությունների շնորհիվ ոչ ոք չի տուժել, լրագրողներին հայտնել է Նյու Յորքի ոստիկանության ներկայացուցիչ Դերմոտ Շեանը։
Կասկածյալը, որի ինքնությունը դեռևս չի բացահայտվել, փոխհրաձգության ժամանակ առնվազն մեկ հրազենային վիրավորում է ստացել գլխի հատվածում, տեղափոխվել տեղի հիվանդանոց, որտեղ արձանագրվել է նրա մահը։ Շեանը հայտարարել է, որ ոստիկանների կողմից 15 կրակոց է արձակվել կասկածյալի ուղղությամբ։
Ոստիկանության ներկայացուցիչը նշել է, որ դեպքի վայրում հայտնաբերվել է ատրճանակ և, ըստ ամենայնի, կասկածյալին պատկանող պայուսակ, որի մեջ եղել են բենզին, պարան, մետաղալարեր, մի քանի դանակ, Աստվածաշունչ և ժապավեն։
«Կարծում եմ՝ բոլորս կարող ենք ենթադրել, որ այս պայուսակի պարունակությունը վկայում է հանցագործի վատ մտադրությունների մասին»,- հավելել է նա:
Տաթև Ֆռանգյան
