11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Մինչև հաջորդ ամառ ԱՄՆ-ում բոլոր ցանկացողները ենթարկված կլինեն կորոնավիրուսի դեմ պատվաստման. VOA
Քաղաքականություն
13.12.2020 | 15:21
Ամերիկայի Միացյալ Նահանգներում արտոնագիր տրվեց կովիդ հիվանդության դեմ Pfizer դեղագործական ընկերության ստեղծած պատվաստանյութին: Սա նշանակում է, որ կորոնավիրուսի դեմ առաջին պատվաստումներն այստեղ կսկսվեն մի քանի օրից, երկիր, որտեղ այս հիվանդությանը զոհ է գնացել ավելի քան 295 հազար մարդ. գրում է VOA-ն:
Գերմանական BioNTech ընկերության հետ համատեղ ջանքերով ստեղծված պատվաստանյութը փորձարկումների վերջին փուլում ցույց է տվել 95%-ի արդյունավետություն: Ըստ ընկերության ղեկավարների, այս պատվաստանյութը նախատեսված է 16 և բարձր տարիք ունեցող անձանց համար:
Պատվաստանյութի առաջին մոտավորապես 3 միլիոն չափաբաժինները կհատկացվեն առողջապահության բնագավառի աշխատակիցներին և երկարաժամկետ խնամքի կենտրոններում գտնվող տարեց անձանց պատվաստումների ենթարկելու համար:
BioNTech-ի գործադիր տնօրեն Ուգուր Սահինն ասել է, թե պատվաստանյութը կօգնի փրկել մարդկային կյանքեր ու զարկ կտա բնականոն կյանքին վերադառնալու ջանքերին:
Կառավարությունը ծրագրում է արագացնել մարդկանց պատվաստման ենթարկելու գործընթացը և սպասում է նաև Moderna ընկերության ստեղծած պատվաստանյութը հաստատելուն:
Ինչպես մասնագետներն են ասում, ի տարբերություն Pfizer-ի ստեղծած պատվաստանյութի, Moderna-ի պատվաստանյութը չունի մինուս 70 աստիճան ցրտի պայմաններում պահեստավորելու անհրաժեշտություն:
ԱՄՆ-ի կառավարությունը վստահ է, որ մինչև 2021 թվականի կեսը այստեղ կլինի երկրի 330 միլիոն ազգաբնակչությանը կորոնավիրուսի դեմ պատվաստելու համար անհրաժեշտ քանակությամբ պատվաստանյութ:
