19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԱՊՀ ԱԳՆ ղեկավարները հավանության են արժանացրել համագործակցության հիմնական ոլորտների հայեցակարգը
Քաղաքականություն
10.12.2020 | 18:37
ԱՊՀ անդամ երկրների ԱԳ նախարարները տեսակոնֆերանսի ձևաչափով անցկացրած նիստի ավարտին հավանության են արժանացրել համագործակցության հիմնական ոլորտների հայեցակարգն ու քննարկել միջազգային և տարածաշրջանային խնդիրներ։ Այս մասին ասվում է ՌԴ ԱԳՆ տարածած հայտարարության մեջ։
«Հանդիպման մասնակիցները քննարկել են Համագործակցության ձևաչափով ինտեգրացիոն համագործակցության հարցերի լայն շրջանակ՝ շեշտը դնելով կորոնավիրուսի տարածման բացասական հետևանքները հաղթահարելու համատեղ գործողությունների վրա։ Հաստատվել է ԱՊՀ հետագա զարգացման նոր հայեցակարգի նախագիծը, որը սահմանում է միջնաժամկետ համագործակցության հիմնական ուղղությունները: Միավորված ազգերի կազմակերպության հիմնադրման 75-ամյակին ընդունվել է մասնակից պետությունների համապատասխան համատեղ հայտարարության նախագիծը, որը հաստատման կներկայացվի Համագործակցության երկրների ղեկավարներին»,- ասվում է հաղորդագրությունում։
Նախարարները նաև պայմանավորվել են հաջորդ հանդիպումն անցկացնել Ռուսաստանում 2021 թվականի ապրիլի 2-ին։
Հավելենք, որ հանդիպումը տեղի է ունեցել ԱՊՀ տարածքում տիրող բարդ իրավիճակի ֆոնին՝ պատերազմ Լեռնային Ղարաբաղում, զանգվածային բողոքի ցույցեր ընդդեմ Բելառուսի նախագահական ընտրությունների արդյունքների, ինչպես նաև անկարգությունների արդյունքում Ղրղզստանում գրանցված իշխանափոխություն:
Տաթև Ֆռանգյան
