19.01.2026 | 14:34
Եթե ռուս սահմանապահները դուրս գան Ախուրիկի հատվածից՝ հայտարարություն կլինի. Վահագն Ալեքսանյան․ ՏԵՍԱՆՅՈՒԹ
Գյումրին տոնածառ և ամանորյա զարդարանքներ այս տարի չի ունենա
Հասարակություն
10.12.2020 | 16:57
Գյումրիում այս տարի տոնածառ ու ամանորյա զարդարանքներ չեն լինի։ Նման որոշում է ընդունվել Գյումրու ավագանու այսօրվա նիստում։
Քաղաքապետ Սամվել Բալասանյանն ասաց՝ տոնածառ չի տեղադրվի, ինչպես նաև ամանորյա լույսեր ու զարդարանքներ չեն լինի։ Քաղաքապետի խոսքով՝ ընդամենը մի քանի ատրիբուդ է լինելու․ քաղաքապետարանի շենքի վրա, ինչպես նաև Անի թաղամասում կփակցվի «Շնորհավոր Ամանոր 2021» գրությունը։
Փոքրիկները, այնուամենայնիվ, տոնական օրերին ուրախանալու առիթ կունենան․ 5․000 երեխայի կբաժանվեն տոնական պարկեր։
Բացի այդ, ավագանին որոշեց տոների կապացությամբ դրամական օգնություն հատկացնել, որը կբաշխվի վիրավոր ազատամարտիկներին, զոհվածների ընտանիքներին, Հայրենական պատերազմի մասնակիցներին։ Ընդհանուր առմամբ, նախատեսվում է հատկացնել 10 մլն 95 հազար դրամ։
Էմմա Չոբանյան
