19.01.2026 | 16:54
Իրանը դիտարկում է ինտերնետի արգելքի վերացումը․ երկրի պետական հեռուստատեսությունը հաքերային հարձակման է ենթարկվել
Ստեփանակերտի 40-ից ավելի բնակչի բուժօգնություն է ցուցաբերվել ՌԴ բժշկական ջոկատների կողմից․ ՌԴ ՊՆ
Քաղաքականություն
10.12.2020 | 17:02
ՌԴ Արևելյան շրջանի հատուկ նշանակության բժշկական ջոկատները շարունակում են օգնություն ցուցաբերել Ստեփանակերտ քաղաքի բնակչությանը։ Այս մասին հայտնում են ՌԴ ՊՆ-ից։
Օրվա ընթացքում ռուս զինվորականները ամբուլատոր-պոլիկլինիկական օգնություն են ցուցաբերել 42 բնակչի, այդ թվում՝ 7 երեխայի։ Նշվում է, որ խորհրդատվությունը, հետազոտությունն ու բուժօգնությունը ցուցաբերվում է բարձր որակում ունեցող թերապևտների, վիրաբույժների ու այլ մասնագետների կողմից շարժական հիվանդանոցներում։
Ընդհանուր առմամբ, ռուս զինվորական բժիշկների կողմից օգնություն է ցուցաբերվել Լեռնային Ղարաբաղի 368 բնակչի, որոնց թվում՝ 41 երեխայի։
ՌԴ Պն-ից նաև հայտնում են, որ տեղի բնակիչների գանգատները, որպես կանոն, կապված են տարբեր քրոնիկ հիվանդությունների, սիրտ-անոթային և էնդոկրին համակարգերի հիվանդությունների սրացման և ատամնաբուժական օգնության ցուցաբերման հետ:
Տաթև Ֆռանգյան
