12.01.2025 | 15:30
Ձեր հիմնական առաքելությունը ոչ թե արդարադատության իրականացումն է, այլ արդարության սահմանումը․ Գալյանը՝ դատավորներին
ԲԴԽ նախագահը խնդրել է հետաձգել Վճռաբեկ դատարանի նախագահի և դատավորների ընտրության հարցը․ Միրզոյան. ՏԵՍԱՆՅՈՒԹ
Քաղաքականություն
10.12.2020 | 10:29
ՀՀ ազգային ժողովի նիստերի օրակարգից Վճռաբեկ դատարանի նախագահի և դատավորի թեկնածուի ընտրության հարցերը հանելու հարցով Բարձրագույն դատական խորհրդի նախագահը նամակ է ուղղել ԱԺ նախագահ Արարատ Միրզոյանին, խորհրդարանն էլ ընդառաջել է հարցերը հետաձգելու խնդրանքին: Այս մասին ԱԺ նիստում հայտնեց ԱԺ նախագահ Արարատ Միրզոյանը՝ պարզաբանելով օրակարգից հարցերի հանելը:
Միրզոյանը տեղեկացրեց, որ Բարձրագույն դատական խորհրդի նախագահն իրեն նամակ է գրել: Այդ նամակից պատգամավորները տեղեկացել են, որ թեկնածուները նիստի վերաբերյալ տեղեկացվել են հեռախոսազանգով: «Դա ըստ երևույթին պատշաճ չեն համարել և չեն հասցրել պատրաստվել: Մյուս կողմից, նամակում նշվում է, որ ԱԺ լիագումար նիստում իրենց տեսլականը ներկայացնելիս թեկնածուները պետք է խոսեն դատական իշխանության հեռանկարների և համակարգի առջև ծառացած խնդիրների վերաբերյալ: Այդ հարցերը վերաբերում են դատավորների իրավական և սոցիալական երաշխիքների ապահովմանը, դատարանների ծանրաբեռնվածությանը, նյութատեխնիկական պայմաններին և այլնին: Սակայն հաշվի առնելով հետպատերազմական իրավիճակը և ծառացած ավելի հրատապ լուծումներ պահանջող հարցերի շրջանակը՝ իրատեսական չէ դատական իշխանությանը հուզող այս հիմնախնդիրների շուրջ կառուցողական և արդյունավետ քննարկում կազմակերպելը, այս պատճառով ԲԴԽ նախագահն իր և թեկնածուների անունից խնդրում է հարցը հետաձգել: Սա է ամբողջը»,-ասաց ԱԺ նախագահը:
Նա տեղեկացրեց, որ ԱԺ-ն ընդառաջում է խնդրանքին, և հարցը հետաձգվում է:
Մանրամասները՝ տեսանյութում:
