22.01.2026 | 18:46
80 միլիոն ԱՄՆ դոլար վերադարձվել է պետբյուջե Միքայել Մինասյանի, Հովիկ Աբրահամյանի, նախկին պատգամավորների և այլ գործերով
Հերմինե Նաղդալյանն այլևս ԵԽԽՎ-ում հայաստանյան պատվիրակության անդամ չէ
12.01.2018 | 19:07
Հանրապետական պատգամավոր Հերմինե Նաղդալյանն այլևս չի հանդիսանում Եվրոպայի խորհրդի խորհրդարանական վեհաժողովի (ԵԽԽՎ) հայաստանյան պատվիրակության անդամ: Այս մասին ԱԺ խորհրդի նիստի ավարտից հետո Factor.am-ին հայտնեց «Ծառուկյան» խմբակցության պատգամավոր Նաիրա Զոհրաբյանը:
«ՀՀԿ խմբակցության ղեկավար Վահրամ Բաղդասարյանը նիստի ընթացքում ներկացրեց, որ Հերմինե Նաղդալյանը շատ ծանրաբեռնված է՝ որպես ԵԱՀԿ պավիրակության ղեկավար, և պատվիրակության կազմից դուրս գալն իր նախաձեռնությունն է»,- նշեց Նաիրա Զոհրաբյանը՝ տեղեկացնելով, որ Հերմինե Նաղդալյանին ՀՀԿ խմբակցության առաջարկով կփոխարինի Կարինե Աճեմյանը:
Նշենք, որ Նաղդալյանը նախկինում հանդիսանում էր նաև ԵԽԽՎ հայաստանյան պատվիրակության ղեկավար, սակայն այդ պաշտոնում նրան փոխարինեց ԱԺ փոխնախագահ Արփինե Հովհաննիսյանը:
Շողիկ Գալստյան
