15.07.2026 | 12:56
Բազմաբնակարան շենքերի և ենթակայանների վերանորոգման համար ՀԷՑ-ը կապալառուներ կընտրի
Մեր պայքարը քաղաքական չէ. Վազգեն Մանուկյան. ՏԵՍԱՆՅՈՒԹ
Քաղաքականություն
09.12.2020 | 17:57
Մեր պայքարը քաղաքական պայքար չէ, մեր պայքարն իշխանափոխության պայքար չէ, այլ ազգային պայքար, որը մղել ենք և՛ 200 տարի առաջ, և՛ 1000 տարի առաջ: Ազգային ժողովի դիմաց ընթացող հանրահավաքի ժամանակ ասաց ընդդիմության վարչապետի միասնական թեկնածու Վազգեն Մանուկյանը:
«Օտարի միջոցով կոտորվել է մեր ամբողջ պետությունը: Այն, ինչ արվեց Արցախի հետ, շարունակելու են անել Հայաստանի հետ: Մենք այս տարածաշրջանի միակ հաղթած պետությունն էինք, համարվում էինք ամենահզոր բանակն ունեցողը: 2.5 տարում այդ ամենը ոչնչացավ», – ասաց Մանուկյանը՝ հիշեցնեով, որ բանակն իր պաշտոնավարման օրոք է հաղթանակ տարել, և ինքն այժմ էլ պատրաստ է առաջնորդելու ժողովրդին՝ հաղթանակ կերտելու:
«Հիմա մենք, ծնկի իջած, ողորմություն ենք խնդրում այս ու այն երկրից: Գնանք միասին, կհաղթենք: Սա երկար տևել չի կարող: Առջևում տեսնում եմ, թե ինչպես ենք արդար ու հզոր պետություն դառնալու: Բոլորս դեպի հաղթանակ», – ասաց վարչապետի թեկնածուն:
