19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
«Գործը մեզ համար բացահայտված չէ»․ այսօր լրացավ Ավետիսյանների ընտանիքի սպանության 3-րդ տարին
Հասարակություն
12.01.2018 | 18:00
2015 թվականի այս օրը տեղի ունեցավ Գյումրու Ավետիսյան ընտանիքի յոթ անդամների ողբերգական սպանությունը։ Ընտանիքի բոլոր յոթ անդամների սպանության մեջ մեղադրվող ռուսական ռազմաբազայի զինծառայող Վալերի Պերմյակովը դատապարտվեց ցմահ ազատազրկման և հանձնվեց ՌԴ-ին։
Ավետիսյանների փեսան՝ Արթուր Կոշտոյանը, մեզ հետ զրույցում ասաց՝ գործն իրենց համար մինչև վերջ բացահայտված չէ։ Ավետիսյանների իրավահաջորդների շահերի պաշտպան Արթուր Սաքունցն էլ նշեց. «Հանցագործության շարժառիթը բացահայտված չէ, մեղադրանքի ապացույցների թվում որպես շարժառիթ նշվում է Պերմյակովի այն բացատրությունը, թե ինքը սպանությունը կատարել է 8000 դրամի համար։ Նա նշել էր, որ այդ գումարն իրեն անհրաժեշտ է եղել, որպեսզի անցնի Թուրքիայի սահմանն ու գնա ՌԴ։ Կոնվենցիայի 13-րդ հոդվածը խախտված է, արդյունավետ քննության իրավունքն է խախտվել, քանի որ Ավետիսյանների սպանության քրեական գործը կազմված է երկու մասից։ Մեկը՝ հայկական կողմից իրականացված քննչական գործությունների արդյունքում ձեռք բերված նյութերը և երկրորդը՝ ՌԴ-ի կողմից իրականացված քննության նյութերը՝ սպանության հիմքով, այն դեպքում, երբ ռուսական կողմն ընդհանրապես իրավունք չուներ այդ հիմքով քննություն անցակացնելու։ Ռուսական կողմից իրականացված քննության ընթացքում տուժողի իրավահաջորդներն ու նրանց ներկայացուցիչները մասնակցություն չեն ունեցել»,- նշեց իրավապաշտպանը:
Արթուր Սաքունցը տեղեկացրեց, որ հոկտեմբերի վերջին դիմել են ՄԻԵԴ, դեռ պատասխան չեն ստացել, պատրաստվում են երկրորդ անգամ նամակով դիմել, որպեսզի պարզեն՝ արդյոք բողոքը ՄԻԵԴ հասել է, թե՝ ոչ ։
Լիլիթ Շաբոյան
