11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Կառավարության որևէ ներկայացուցիչ չներկայացավ ռազմագերիների հարցով փակ նիստին․ Անի Սամսոնյան. ՏԵՍԱՆՅՈՒԹ
Քաղաքականություն
08.12.2020 | 17:57
Այսօր Ազգային ժողովն ընդունել է ուղերձ ռազմագերիների մասին, նիստն անցկացվել է դռնփակ։ Նախաձեռնության հեղինակը «Լուսավոր Հայաստան» խմբակցությունն է:
«Իմ քայլը» խմբակցությունը նախ փորձեց տապալել քննարկումը, հետո քվեարկությամբ որոշվեց հարցի քննարկումը դռնփակ անցկացնել։ ԱԺ հայտարարությունների ժամին պատգամավոր Անի Սամսոնյանն անդրադարձավ այս խնդրին։
«Մենք կարծում էինք, որ իշխանությունը փակում է նիստը, որպեսզի ներկայանա կառավարության ներկայացուցիչը և մեզ հայտնի տեղեկություններ, որոնք համարվում են գաղտնի։ Սակայն կառավարության ոչ մի ներկայացուցիչ էլ այդ նիստին չներկայացավ, որևէ կարևոր տեղեկատվություն մենք չկարողացանք ստանալ այս քննարկման ընթացքում։ Եվ ըստ էության ամբողջ քննարկումը վերածվեց պարզունակ հարց ու պատասխանի։
Ես երբեք չեմ խոսել նման հարցերի մասին, բայց այսօր այս քննարկումն ինձ ստիպում է ասել հետևյալը՝ ես ցավով եմ նշում, որ այս խորհրդարանում կա մեկ իշխանական պատգամավոր, որի համար ռազմագերիների թեման կարող է տեղավորվել քաղաքական դիվիդենտներ շահելու մտածողության շրջանակներում։ Եվ այդ պատգամավորը, ով հայտնի է բոլորին՝ թուրքասեր Մարիա Կարապետյանն է, որն ամենաշատն էր շահագրգռված, որպեսզի այս հանդիպումը լինի փակ։ Եվ ո՞րն էր ամենատարօրինակը, որ տիկին Կարապետյանը կարծում է, որ մեր ռազմագերիների հետ Ադրբեջանում շատ լավ են վարվում։
Ես կարծում եմ՝ այդպիսի մարդը խորհրդարանում անելիք չունի։ Թող գնա Բաքու և մեր ռազմագերիների մասին մեզ հայտնի տեղեկություններ, եթե այդքան վստահ է, որ նրանց հետ Ադրբեջանում լավ են վարվում»,- նշեց Անի Սամսոնյանը։
Մանրամասները՝ տեսանյութում:
