19.01.2026 | 16:54
Իրանը դիտարկում է ինտերնետի արգելքի վերացումը․ երկրի պետական հեռուստատեսությունը հաքերային հարձակման է ենթարկվել
Թուրքիան ցանկանում է բարելավել հարաբերությունները ԵՄ-ի հետ․ Չավուշօղլու
Քաղաքականություն
08.12.2020 | 18:34
Թուրքիան ցանկանում է բարելավել հարաբերությունները Եվրամիության հետ` հեռանկարում կազմակերպությանը երկրի ամբողջական անդամակցությամբ։ Այս մասին այսօր հայտարարել է Թուրքիայի ԱԳ նախարար Մևլութ Չավուշօղլուն Հունգարիայի արտաքին գործերի ու արտաքին տնտեսական կապերի նախարար Պետեր Սիյարտոյի հետ բանակցությունների արդյունքներով մամուլի ասուլիսի ժամանակ, գրում է ՏԱՍՍ-ը։
«Մենք ցանկանում ենք բարելավել հարաբերությունները ԵՄ-ի հետ։ Եվ կցանկանայինք դա անել ամբողջական անդամակցության հեռանկարով։ Սակայն Եվրամիությունը, որպես կանոն, աջակցում է կառույցի մյուս անդամներին»,- ընդգծել է Թուրքիայի ԱԳՆ ղեկավարը։
Չավուշօղլուի խոսքով՝ ԵՄ-ի և Թուրքիայի միջև խնդիրները կարող են «լուծվել միայն երկխոսության ու դիվանագիտության ճանապարհով»: Բացի այդ, թուրք նախարարն ասել է, որ Աթենքը դադարեցրել է ՆԱՏՕ-ի շրջանակում Անկարայի հետ բանակցությունները Միջերկրական ծովում իրավիճակի շուրջ։
Հիշեցնենք՝ մի քանի օրից նախանշված է ԵՄ Խորհրդի գագաթնաժողովը։ Կառույցի անդամ պետությունների առաջնորդները պատրաստվում են քննարկել ԵՄ-Թուրքիա հարաբերությունները և Թուրքիայի դեմ պատժամիջոցների հնարավոր կիրառումը Արևելյան Միջերկրականում Հունաստանի ու Կիպրոսի հանդեպ խախտումների տեղատարափի համար։
Տաթև Ֆռանգյան
