08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Ցավում եմ եկեղեցու ղեկավարության համար, քաղաքական գործընթացներին միջամտելու փորձ է անում. Հովակիմյան. ՏԵՍԱՆՅՈՒԹ
Քաղաքականություն
08.12.2020 | 15:25
ԱԺ «Իմ քայլը» խմբակցության պատգամավոր Վահագն Հովակիմյանը Factor.TV-ի հետ զրույցում անդրադառնալով դիտարկմանը, որ Ամենայն հայոց կաթողիկոս Գարեգին Բ-ն և Արամ Ա կաթողիկոսը հանդես են եկել ուղերձներով և վարչապետ Նիկոլ Փաշինյանին հորդորել են հրաժարական տալ, նշեց. «Հայաստանի քաղաքական կյանքում ավելի լարված և բարդ իրավիճակներ են եղել, եղել է ժամանակ, երբ իշխանությունը լեգիտիմ չի եղել, այն զավթվել է, եղել են ժամանակներ, երբ որ իշխանությունները ամենօրյա ռեժիմով հարստահարել են քաղաքացիներին, թալանել, թուլացրել են պետությունը, զինվորի հացն են գողացել, բանակն ու պետությունը քայքայել են, բայց ես երբևէ եկեղեցու կողմից քաղաքական հայտարարություն չեմ լսել: Ես ցավում եմ մեր եկեղեցու ղեկավարության համար, որ իրենք քաղաքական գործընթացներին միջամտելու փորձ են անում»:
Հովակիմյանը նաև հավելեց, որ ինքը Հայ առաքելական եկեղեցու հետևորդ է և ակնկալում էր, որ որպես հոգևոր հովիվներ, կաթողիկոսները կարողանային նպաստել, որ Հայաստանի նախկին քաղաքական էլիտան փոխվեր և եկեղեցու հետևորդի հոգեկերտվածք ունենար:
Պատգամավորի խոսքով՝ վերջին 20 տարվա ընթացքում առաջին անգամ իշխանությանն ընտրել է ժողովուրդը, բայց նախկին քաղաքական ուժերը ստեղծում են մի իրավիճակ, որ իրենք պետք է որոշեն, թե ով պետք է լինի վարչապետ: «Մենք գործ ունենք հին էլիտայի վերջին ճակատամարտի հետ»,- նշեց Հովակիմյանը:
Մանրամասները՝ տեսանյութում:
