02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Նիկոլ Փաշինյանին ընդդիմության տված վերջնաժամկետը լրացավ. անհնազանդության խաղաղ ակցիաներ են սպասվում. ՏԵՍԱՆՅՈՒԹ
Քաղաքականություն
08.12.2020 | 12:26
Վարչապետ Նիկոլ Փաշինյանին տրված վերջնաժամկետն ավարտվեց։ Ընդդիմադիրները հայտարարում են, որ սկսում են խաղաղ անհնազանդության բողոքի ակցիաներ իրականացնել։
«Ինչպես տեսնում եք Նիկոլ Փաշինյանը հրաժարական չի ներկայացրել։ Հետևաբար այս պահից սկսած, մինչև 17։00-ն Հայաստանի Հանրապետության քաղաքացիներն ունեն լեգիտիմ իրավունք խաղաղ անհնազանդության բողոքի ակցիաներ և գործողություններ անելու, իրենց բողոքն, իրենց պահանջը տեղ հասցնելու համար», – տեսաուղերձի միջոցով հայտարարեց ընդդիմադիր 17 կուսակցություններից բաղկացած «Հայրենիքի փրկության ճակատ» միավորման անդամ, Հայ հեղափոխական դաշնակցության Գերագույն մարմնի ներկայացուցիչ Իշխան Սաղաթելյանը։
Նա կոչ արեց քաղաքացիներին՝ բողոքի գործողություններն իրականացնել օրենքի սահմաններում, չտրվել սադրանքների։
«Դիմում եմ իրավապահ համակարգին՝ ապահովել ՀՀ քաղաքացիների ազատ երթեր, ցույցեր, բողոքներ անելու իրավունքը և երբեք չտրվել ու չկատարել Նիկոլ Փաշինյանի ապօրինի հրահանգները և ուժ չկիրառել մեր ժողովրդի նկատմամբ», – հայտարարեց ՀՅԴ Գերագույն մարմնի ներկայացուցիչը։
Սաղաթելյանը նաև կոչով դիմեց Փաշինյանին․ – «Նիկոլ, միևնույն է դու հեռանալու ես, հեռացիր անցնցում։ Գոնե այս անգամ խնայիր մեր ժողովրդին, պետությունը և պետականությունը։ Գնա անցնցում, մի՛ խաթարիր մեր երկրի ներքին կյանքը։ Քո հեռանալը կենսական անհրաժեշտություն է մեր ժողովրդի և պետության համար»։
