09.02.2026 | 22:17
Արագածի տարածաշրջանում ձյուն է տեղում
«Իմ քայլը» ձայները կեղծեց, որ գերիների հարցով նիստը փակ լինի․ Մարուքյան. ՏԵՍԱՆՅՈՒԹ
Քաղաքականություն
08.12.2020 | 12:05
Իրենք մտահոգված են, որ մենք և ԲՀԿ-ն ելույթներ կունենանք ռազմագերիների հարցով և կասենք՝ չեք կարողանում այդ խնդիրը լուծել: Այս մասին ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկվար Էդմոն Մարուքյանը՝ անդրադառնալով հարցին, թե ինչու իշխող «Իմ քայլը» խմբակցությունը տապալեց ԱԺ-ում ռազմագերիների հարցով քննարկումը, որը նախաձեռնել էին ԼՀԿ-ն ու ԲՀԿ-ն:
«Այդպես ասվել է ԱԺ խորհրդի նիստում, ես էլ ասում եմ՝ այդ նույն ելույթները հայտարարությունների ժամին կարող ենք ունենալ, իմաստը ո՞րն է ԱԺ կանոնակարգ օրենքի ընթացակարգը, 1/5-րդ ստորագրություն եմ հավաքել, մարդիկ նիստը տապալում են: Իմաստազրկվեց ամբողջությամբ:
Մեզ ասում են՝ կվտանգենք մեր գերիներին, մինչդեռ ամբողջ աշխարհի կառույցներին ենք ուղարկում այս տեսանյութերը: Մարդիկ ուղղակի սարսափում են, ո՞նց կարելի է դրա վերաբերյալ քննարկումն անել փակ ռեժիմով՝ քաղաքական նկատառումներից ելնելով: Սա է իրավիճակը: Հայտարարության նախագիծը բաց դրված է, ամբողջ իմաստը քննարկումն է: Էդտեղ ոչ մի պետական գաղտնիք չկա: Պետք է ասեն՝ ջանքեր ենք գործադրում Կարմիր խաչի հետ, Ռուսաստանի հետ, դրա ի՞նչն է գաղտնի: Իրենք ուղղակի չեն ուզում, որ իրենց կողմից տապալված հարցով լինի բաց քննարկում, էդքան բան»,-ասաց Մարուքյանը:
««Իմ քայլը» որոշում ուներ ընդհանրպես առավոտյան չգալու և տապալելու նիստը, բայց երբ հասկացան, որ կարող են որոշում անել ու փակ անել նիստը, գնացին այդ ճանապարհով: Ձայները կեղծեցին ու կեղծիքով ապահովեցին փակ նիստի քննարկումը»,- ընդգծեց Մարուքյանը:
Մանրամասները՝ տեսանյութում:
