25.02.2026 | 17:23
Միրզոյանը Ժնևից մեկնել է Վարշավա
Ժիրայր Սեֆիլյանն ու Գևորգ Սաֆարյանը լքեցին նիստերի դահլիճը` ի աջակցություն հացադուլավոր ընկերների
Հասարակություն
12.01.2018 | 12:16
Ժիրայր Սեֆիլյանն ու գործով մյուս ամբաստանյալ Գևորգ Սաֆարանը լքեցին դատական նիստերի դահլիճը` հայտարարելով, որ չեն վերադառնա քանի դեռ իրենց հացադուլավոր ընկերների պահանջները չեն կատարվել: Դատավորը սանկցիա կիրառեց ամբաստանյալների նկատմամբ:
Փաստաբան Տիգրան Հայրապետյանը հայտարարեց, որ երբ իր պաշտպանյալը դահլիճում չէ, ինքը չի կարող զբաղվել նրա պաշտպանությամբ, սակայն դատավոր Տաթևիկ Գրիգորյանը չթույլատրեց փաստաբանին հրաժարվել պաշտպանի իր գործառույթներից: Տիգրան Հայրապետյանը նշեց` «Դուք ինձ ստիպում եք, որ ես իմ պաշտպանների դիրքորոշմանը հակառակ գործառույթ իրականացնեմ: Ես չեմ ցանկանում առանց թույլտվության լքել դահլիճը»:
Դատավորը, սակայն, կրկնեց` ինքը չի թույլատրում հրաժարվել, դահլիճից հեռանալ, չի ընդունում Սեֆիլյանի պաշտպանությունից հրաժարվելը: Հայրապետյանն այնուամենայնիվ լքեց դահլիճը, սակայն դատավորը նշեց, որ Սեֆիլյանի և Գևորգ Սաֆարյանի պաշտպան Արայիկ Պապիկյանը դատարանում է և նիստը կշարունակվի: Սակայն Արայիկ Պապիկյանն էլ հայտարարեց, որ իր պաշտպանյալները հրաժարվել են իր պաշտպանությունից և հետևաբար ինքը չի կարող զբաղվել նրանց պաշտպանությամբ: Արայիկ Պապիկյանը նշեց. «Ես դահլիճում եմ միայն որպես Ներսես Պողոսյանի պաշտպան»:
Լիլիթ Շաբոյան
