19.01.2026 | 22:04
Վթար Վանաձոր քաղաքում․ կան տուժածներ
Սպանվել է Մոսադի բարձրաստիճան պաշտոնյա․ Թեհրանը վրեժխնդի՞ր է եղել․ Sputnik International
Քաղաքականություն
07.12.2020 | 16:03
Հանգստյան օրերին համացանցում լայն տարածում է գտել մի տեսանյութ, որի նկարագրությունում նշվում է, որ սպանվել է Մոսադի բարձրաստիճան պաշտոնյա՝ Ֆահիմ Հինավին։ Ըստ որոշ տեղեկությունների՝ այս սպանությունը Իրանի վրեժխնդրությունն է՝ ի պատասխան վերջերս երկրում միջուկային գիտնականի սպանության, գրում է Sputnik International-ը։
Լրատվականը նշում է, որ չհաստատված տեղեկությունների համաձայն՝ տղամարդը, որը Մոսադի բարձրաստիճան պաշտոնյա է և որի անունը, ըստ իրանական, թուրքական ու արաբական մամուլի, Ֆահիմ Հինավի է, սպանվել է, երբ Թել Ավիվի հարավ-արևելքում մեքենայով կանգ է առել կարմիր լույսի տակ։ Սպանություն կատարողներն անմիջապես լքել են դեպքի վայրը։
Հիշեցնենք, որ նոյեմբերի 27-ին Իրանում սպանվել է երկրի Պաշտպանության նախարարությանն առընթեր հետազոտությունների և նորարարությունների կազմակերպության ղեկավար, միջուկային ֆիզիկոս Մոհսեն Ֆահրիզադեն։
Տաթև Ֆռանգյան
