09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԵՄ Խորհուրդը հաստատել է մարդու իրավունքների ոտնահարման համար պատժամիջոցների ռեժիմը
Քաղաքականություն
07.12.2020 | 15:12
ԵՄ Խորհուրդը ԱԳ նախարարների մակարդակով հաստատել է մարդու իրավունքների ոտնահարման համար պատժամիջոցների գլոբալ ռեժիմ, որը չի կրկնօրինակում ԱՄՆ «Մագնիտսկու ակտը»։ Ակնկալվում է, որ այն կսկսի գործել դեկտեմբերի 10-ից։ Այս մասին ՏԱՍՍ-ին հայտնել է եվրոպացի դիվանագետը։
«ԵՄ Խորհուրդը հաստատել է մարդու իրավունքների խախտումների համար սահմանված պատժամիջոցների գլոբալ մեխանիզմը, որը ամերիկյան «Մագնիտսկու ակտի» պատճենը չէ և չի ունենա արտատարածքային ազդեցություն, այսինքն ՝ բոլոր սահմանափակումները կգործեն միայն ԵՄ-ում: Այն ուժի մեջ կմտնի հինգշաբթի»,- հայտարարել է գործակալության աղբյուրը։
«Ռեժիմը նախատեսում է ստեղծել համաշխարհային սև ցուցակ այն անձանց համար, որոնց արգելվում է մուտք գործել ԵՄ և հասանելիություն ունենալ ԵՄ ֆինանսական համակարգ: Նրանց բոլոր ակտիվները [եթե գտնվեն] եվրոպական բանկերում ենթակա են սառեցման, ԵՄ բնակիչները իրավունք չունեն այդ անձանց ցանկացած ֆինանսական ծառայություններ մատուցել»,- բացատրել է դիվանագետը:
Պատժամիջոցների ռեժիմը նախարարները հաստատել են առանց քննարկման, քանի որ այն արդեն համաձայնեցվել էր դեկտեմբերի 2-ին համայնքի բոլոր 27 նահանգների դեսպանների մակարդակով:
Տաթև Ֆռանգյան
