19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
Ռուսական ռազմանավերի կուտակում է նկատվել Միացյալ Թագավորության ջրային տարածքի մոտակայքում․ Al Masdar News
Քաղաքականություն
07.12.2020 | 20:28
Մեծ Բրիտանիայի ռազմանավերը վերջին երկու շաբաթվա ընթացքում իրենց ջրային տարածքի մոտակայքում արձանագրել են «ռուսական զգալի ներկայություն»: Այս մասին ասվում է Միացյալ Թագավորության ռազմածովային ուժերի տարածած հաղորդագրության մեջ, գրում է Al Masdar News-ը։
«Թագավորական նավատորմը վերջին շաբաթների ընթացքում ռուսական 9 նավ է ֆիքսել Մեծ Բրիտանիայի ջրային տարածքի մոտակայքում: Վերջին երկու շաբաթվա ընթացքում համաձայնեցված գործողությունների արդյունքում ռուսական սուզանավի, կործանիչի, կորվետի, պարեկային նավի և դրանց մատակարարումներով ապահովող նավերի յուրաքանչյուր տեղաշարժ Անգլիական նեղուցից ու Կելտական ծովից ուշադրությամբ վերահսկվում է 8 նավերի կողմից»,- ասվում է հաղորդագրությունում:
Դրա համաձայն՝ ռուսական նավերը պատսպարվել են վատ եղանակային պայմաններից։ Մեծ Բրիտանիայի ռազմանավերին միացել են Ֆրանսիայի ռազմածովային ուժերը և օդուժը՝ վերահսկելու ռուսական նավերի տեղաշարժը:
Մեծ Բրիտանիայի ռազմածովային ուժերը ներգրավել են նաև ուղղաթիռներ՝ ռուսական նավերի տեղաշարժի վերաբերյալ հետախուզական տվյալներ հավաքելու համար:
Տաթև Ֆռանգյան
