Բորելը՝ ԱՄՆ-ի հետ հարաբերությունների ջերմացման ֆոնին ԵՄ ռազմավարական ինքնավարության մասին

ԱՄՆ-ի հետ հարաբերությունների վերբեռնման մտադրության համատեքստում ԵՄ ռազմավարական ինքնավարության հայեցակարգի զարգացման հեռանկարը շարունակում է մնալ չափազանց վիճահարույց, միության անդամ երկրները դեռևս պետք է հասկանան դրա էությունը։ Այս մասին Բրյուսելում ԵՄ Խորհրդի նիստի ժամանակ հայտարարել է կառույցի արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը, գրում է ՏԱՍՍ-ը։

«Աշխատանքային ճաշի ժամանակ մենք պետք է քննարկենք ԵՄ ռազմավարական ինքնավարությանն առնչվող ծայրաստիճան վիճահարույց հարց՝ ինչ է դա նշանակում: Այս հարցը մեզանից շատ երկար ժամանակ կպահանջի, քանի որ մենք պետք է հստակեցնենք, թե դա ինչ է և ինչու պետք է հետագայում զարգացնենք այն, ինչի շուրջ արդեն պայմանավորվել ենք»,- հայտարարել է Բորելը։

«Այսօր մենք շատ կխոսենք անդրատլանտյան հարաբերությունների մասին: Եվրահանձնաժողովն ու բարձր ներկայացուցիչը պատրաստել են առաջարկությունների փաթեթ՝ ԱՄՆ-ի հետ հարաբերությունների վերբեռնման համար (նոր վարչակազմի օրոք)»,- հայտարարել է նա:

Հավելենք, որ ԵՄ ռազմավարական ինքնավարության հայեցակարգը ենթադրում է ԵՄ-ի՝ ինքնուրույն ռազմական գործողություններ իրականացնելու կարողության ընդլայնում՝ չհենվելով ԱՄՆ-ի և ՆԱՏՕ-ի վրա, որտեղ Միացյալ Նահանգները գերիշխող դեր է խաղում: Միացյալ Նահանգների հետ հարաբերությունների ջերմացման նոր փուլում Բրյուսելն առաջարկում է դիտարկել այս հայեցակարգը որպես ԱՄՆ համար առավել արդյունավետ ռազմական դաշնակից դառնալու միջոց: Սակայն Վաշինգտոնում այս նախաձեռնությունն այնքան էլ չեն ողջունում, քանի որ այն ենթադրում է ԵՄ անդամ պետությունների պաշտպանական արդյունաբերության ոլորտում ներդրումներ։

Տաթև Ֆռանգյան